ڕاپیمەراو "ڕاپیمای گەوەرەو ئازاڎی"ی بە داواو ئازاڎیی جەسەیی ڕابەروو گەلوو کوردی عەبدوڵا ئۆجالانی و چارەسەری سیاسیی کوردی، دماو ئانەی مەنتێقەو قۆسەروو مێردینینە بە بەشداریی هەزاران کەسا ڕاشا پیما، سەرۍ قەبرەو گەشمەرڎاشا دا.

ئەوەڵ سەرۍ یۆ جە سەرمەشقاو پەکەکەی فەرهاد کورتایشا دا، کە دژوو ئەشکەنجەی نائینسانانەی وێش سۆچنا.

دمایی لوۍ سەروو قەبرەو خەباتکاروو چاپەمەنیی ئازاڎی، ئەحمەد ئاراچی کە سەرەورڎایەکاو شارەکاو سەرنیشتوو کوردستانینە ساڵەو ٢٠٠٦ گەشمەرڎە کریا. 

دمایی شاندەکە لوۍ سەروو قەبرەو پەرلەمانتاروو دەپی مێردینی، محەمەد سینجاری، کە ساڵەو ١٩٩٣ کوشیا. پەرلەمانتارەو دەم پارتی، ساڵیحە ئایدەنیزە واتش خاوەنداری جە میراتوو کۆشیای سینجاری کەرمێ.

شاندەکە سەروو قەبرەو محەمەد خالید ئۆراڵیشا دا، کە دژوو پیلاگێڵنیی میاننەتەوەیی ١٥و شوباتینە دژوو ڕابەروو گەلوو کوردی عەبدوڵا ئۆجالانی، بە درووشموو "مەتاودۍ ڕوەکەیما تاریک کەرڎێ" زینداننە جەستەو وێش سۆچناش و سەروو قەبرەکێشۆ جەخت سەروو گەورەکەرڎەی کۆشیای کریاوە.

لێوە تەرۆ ڕاپیمەرۍ لوۍ سەروو قەبرەو مەدیا چناری.

هامسەرۆکەو کۆمەڵەو هامکاریی بنەیانەو زیندانییا و حکومدریایا، خانم کایا واتش ئامانجما جە ڕاپیمای ئازاڎیی، درێژەداین بە ڕاو گەشمەرڎا و ئازاڎیی ڕابەروو گەلوو کوردی عەبدوڵا ئۆجالانی و واتش: "مەدیا ئی گۆشەگیریەشە قبووڵ نەکەرد و ساڵەو ٢٠١٩ چالاکییش کەرد، تا کوردسانێوە ئازاڎ درێژە بە کۆشیای مدەیمێ، گەشمەرڎۍ مەمرا".

دمایی چالاکۍ لوۍ مەنتێقەو دێرکی.