سیاسەتمەدار و نوێنەروو ڕێکوزیا جەماوەرییە دیموکراتیکەکا بە داواو ئازادیی جەستەیی ڕابەروو گەلوو کوردی عەبدوڵا ئۆجالان و چارەسەری سیاسیی پەرسەو کوردی "ڕاپیمای گەورەو ئازاد"یشا دەس پەنە کەرد، مەنتێقەو وێرانشاروو ڕحاینە بە جۆشوخرۆش خێرامایشا وەنە کریا.

جەماوەر بە درووشـمقق "بێ سەرۆکی ژیوای مەبۆ" و "بژیوۆ مدرامانوو ئیمراڵی" یاوێ وەردەموو بیناو دەم پارتی. چا پەرلەمانتاروو دەم پارتی، فەرید شەنیاشار واتش: "ئی ڕاپیمایە، ڕاپیمای چارەسەری و ئاشتیین. کرێڵوو ئاشتی ئینا ئیمراڵیینە، بەڕێز ئۆجالانا. تا ئاردەیدیی ئاشتی ئی ڕاپیمایە بەردەواما".

شەنیاشار واتشۆ کە سیاسەتوو جەنگی ٤٠ ساڵێن بێجگە مەردەی و هەڵسا هیچش پەی تورکیای ناستەنۆ، ڕۆشناییش وست سەروو مانگێرتەی جە واردەی زیندانییا و چالاکیی ئەدایا و واتش: "ئێمە وەراوەروو فشارەکاوە هەنگامەی پەی دمای مەنیەیمێ. تا ئاردەیدیی ئاشتی ئی ڕاپیمایە بەردەواما. موخاتەبوو ئاشتی بەڕێز عەبدوڵا ئۆجالانا. پێویسا گۆشەگیری ورگێریۆ و ئاشتیی مێ دی. تا بییەی گۆشەگیری، کۆشیای بەردەواما".

ڕاپیمەرێ ئێشەو وێرانشارنە با و سەبای میاوا شەمرەخوو مێردینی.