باخو گرڎینو شارو سلێمانینە پەیکەرو مامۆسا قانعی نریارە
شارو سلێمانینە بە مەڕاسیمێوە جەماوەری جە باخو گرڎینە، پەرڎە سەرو پەیکەرو هۊنیەرو گۊرەو کوردی مامۆسا قانعی، کە جە لایەنو پەیکەرساز چێنەر نزاریوە وەشکریان لادریا.
ئارۆ جە باخو گرڎینو شارو سلێمانینە، بە مەڕاسیمێوە تایبەت پەرڎە سەرو پەیکەرو هۊنیەرو گۊرەو کوردی قانعی لادریا، کە جە لایەنو چێنەر نزاریوە وەشکریان و دماتەریچ چن هۊنیوەش ۋنیێوە.
جە مەڕاسیمەکەنە حەریۆ جە وەزیرو ڕۆشنۋیریی و پارێزنەرو سلێمانی و چڼین کەسایەتیۍ نوویسەرۍ و ڕۆشنۋیرۍ و سیاسیۍ، هەرپاسە بنەیانەو قانعی هۊنیەری ئاماڎۍ بێنۍ.
پەیکەرو قانعی جە لایەنو پەیکەرساز چێنەر نزاریوە وەشکریان و پېسە ۋێش ماچۆ: ئینە ٤٦ـەمین پەیکەرا کە وەشمکەرڎەن و ئارۆ چۍ نمایشش مکەرو، بەشێوە فرە جە پەیکەرەکام ئینۍ شارو سلێمانینە، هەرپاسە ئی پەیکەرە بەرزیەکەش ٢.٧٠ سانتیمێن.
واتیچش ، پەیکەرەکەم بە هاڕیاو تەوەنۍ مەڕمەڕۍ متەنەرە و ماوەو حۊت مانگا هەرمانەم سەر کەردەن، هەرپاسە ساڵێوەیچش گەرەک بیەن تا شۊنەمېوە عالش پەی مەیسەر بکەر و بودجەکەیچش جە لایەنو وەزارەتو ڕۆشنۋیرییوە پەی مەیسەر کریان.
ئاماژەش پانەیچ دا، کە جە ئیساتێنە سەرحاڵو وەشکەردەی پێکەرێوە تەرین پەی هۊنیەرو گۊرەو کوردی زێوەری.
هۊنیەری گۊرەو کوردی قانع جە ٧و ئایارو ١٩٦٥ بە مەڵامەتو نەوەشیۆ جە دەگاو لەنگەدێ جە دەرەو شلێرینە جە پێنجوێنە عەمرەو خوڎایش کەردێنە و دماتەریچ جە قەبرسانو دەگاکێنە ئەسپەرڎەکریان.
