ئەندامو شاندو ئیمراڵیی پارتو یەکسانی و دیموکراسیی گەلا (دەم پارتی) و یاگەگیرو سەرۆکو پەرلەمانی سری سورەیا ئۆندەر چا خەسەخانەنە کە چنەشەنە چارەسەری هۊرگێرۍ، کۆچی دماینش کەرد. پی بۊنۆ سەرۆکو پەدەکەی مەسعود بارزانی پەیامێوە سەرەوەشیش وەڵا کەرڎۆ.

بارزانی ماچۆ: "مەرحوم سری سوورەیا ئۆندەر کە ئەندامو شاندو ئیمرالیچ بۍ، ئەغلەبیەتو ژیۋای ۋێش پەی کۊششی سیاسی و ئاشتییانەی تەرخان کەرد و کۊششەکێش بە ئاراسەو چارەسەری ئاشتی جە تورکیانە یاگۍ پنەزانایۍ فرەین".

هەرپاسە پرسە و سەرەوەشی ۋێش ئاراسەو بنەیانەی و کەسوکار و دۆس و هەڤاڵا و هامخەباتا سری سوورەیا ئۆندەری و سەرکردایەتی و ئەندام و لایەنگرا دەم پارتی کەردەن و ۋێش بە هامبەشو خەمیشا مزانۆ.