دەگاو بندۆڵ-ی سەر بە بەخشداری دزڵیێ-ن جە هەورامانو دیمو وەرکەوتو کوردستانی و ژمارێو وانکارێ قۆناخەکێ (ڕانمایی و دەبیرستان)یش هەنێ. بەڵام بە هۆکارو نەبییەی وانگای جە دەگاێشانە، مشیۆم بەناچاری بلانێ دەگاو قەڵاجێ سەر بە دەگاداری کۆساڵانی. بەڵام گرفتەکە ئانەن قەڵاجێ ١٢ کیلۆمەترێ جە بندۆڵی دورەن و مسیارەکێچ دەرفەتی پوڵی و داراییشان کەمەن، پۆکەی مشیۆم بە ناچار بە پێ و ڕاپیمای ئا مەودایە ببڕانێ.
بە ئی جۆرە مسیارەکێ (وانکارێ) بندۆڵی بە سەرداو زمسانی و گەرماو هامنی، روانە ٢٤ کیلۆمەترێ ڕا پەی یاوای بە وانگای مەبڕانێ.
مسیارەکێ جە میانو هامۆشیێشانە و جە ئی وەرزە سەردەنە، پەی وێ گەرمکەردەی دارێ و چۆکڵێ کۆمەکەرانێوە و سۆچناشان.
مسیارەکێ و ئەرەنیشتەکێ دەگاو بندۆڵی وازیارێنێ جە کاربەدەستانو ناوچەکەی؛ وانگای (رانمای و دەبیرسان) جە دەگاکێشانە بکەرانێوە یان هیچ نەبۆنە ماشین پەی هامۆشیێشان مەیسەر بکەرانێ.