هامسەرۆکوو ناڤ بەرلینی حسێن یڵماز ئەرەیاۋناش، کە گەلوو کوردی چنی دۆساشا جە کۆڵن بە ڕاپیمای و گلێرۆبیەی نیشانەش مڎا کە دەوروو رابەروو گەلوو کوردی عەبدوڵا ئۆجالانیرە کوۍ باوە و ئیتر وەختوو ئازاڎیی جەسڎەیی ئۆجالانی ئامان.

یڵماز بە ئاژانسوو هەواڵوو فوراتیش وات، کە جە چوارچێوەو هەڵمەتەو 'ئازاڎیی پۍ عەبدوڵا ئۆجالانی، چارەسەری پۍ پرسوو کوردی' ۋێنیشاندای، کۆنفڕانس و گلێرۊبیەی ساز کریا و واتش، "پێسە بەرزتەرین ئاستوو هەڵمەتەکۍ جە کۆڵن ڕاپیمایۍ ناوەنڎی سازکریۆ. بە سەڎ هەزار کەسۍ ڕووەکەرا کۆڵن. ئێمە دەوروو رابەریمارە کوۍ بیمۍ و ئەرەیاۋنمێش کە ئیتر وەختوو ئازاڎیی جەسڎەیی رابەرایەتیمانە".

یڵماز ئانەش وست ڕووە، کە جە بەرلینیچەنە ئاماڎەکارییەکۍ پۍ ڕاپیماکەی تەمامۍ بیێنۍ و واتش، "پاسۍ حاسڵ کریێنۍ، سەردای یانا، دوکاندارا و کۆڕ و جەمەکا گەلی کریان. پێسە ناڤ بەرلینی داواکەرمۍ کە ١٦و شوباتی سەعات ٢٣:٠٠ جە ڕاو پاسەکاوە ۋیشا بیاونا بە ڕاپیماکەی".

وەخت و شۊنماو کۊتەی ڕاو پاسەکا:

١٦ شوبات و ٢٠٢٤

سەعات ٢٣:٠٠

Residenzstraße 54,

13409 Berlin (Komel)