جە کانتۆنو بێرنو سویسراینە، بەبۆنۆو ١٥ و ئایاری، جەژنە و زوانی  کوردییۆ، پانێڵێوە ئەنجامدریا. پانێڵەکە جە مییانو گلێرگەی کوردی دیموکراتیکینە ئەنجامدریا. سەرو نامێ ئینستیوتی کوردو سویسرای، عیرفان بابائۆغلو پێسەو قسەکەری بەشداریش کەرد.

پانێڵەکە بە سڵام کەردەی جە کۆنگرەو ١٢هەمینو پەکەکەی و ڕێزگێرتەی پەی یاڏو  گەشمەرڏا ئازادی کوردەسانی دەسش پنەکەرد.

جە پانێڵەکەنە پەیامو ئینستیوتو کوردو سویسرای ونریاوە، دماتەر عیرفان بابائۆغلو ئەرەیاوناش گۆڤارو هاواری جە ١٥ و ئایاری ١٩٣٢ وەڵاکریاوە، با مەڵامەتۆ کۆنگرەو نەتەوەیی کوردەسانی (کەنەکە) ڕۆو ١٥ و ئایاریش پێسەو جەژنە و زوانی کوردی ئەرەیاونا. چا ڕووەنە ١٥ و ئایاری پێسەو جەژنەو زوانی کوردی بە چالاکی جیاواز پیرۆز کریۆنە.

بابائۆغلو ئەرەیاوناش کە پرۆسەو "بانگەوازو ئاشتی و گلێرگە و دیموکراتیک"ـو ڕابەر ئاپۆی و کۆنگرەو ١٢هەمینو پەکەکەی، خەباتکەردەی پەی زوانی بەهێزتەر بۆنە، واتش: "چی ڕووەنە، جە ئەڵمانیانە زانکۆی کوردی کریاوە. ئینەی پێسەو وەڵکەوتێوە وینمێ".

پانێڵەکە بە پرسیار و جواب دمایش ئاما.