ھامسەرۊکو ئەنجومەنو عەرەبەکا شەنگالی ئەبو سەقەر(سزەیر سەلاح) جە بارەو گۊشەگېری سەرو ڕابەر ئاپۊیۊ قسێش کەرڎێو ئانەش وست ڕوۋە کە تەنیا بە یۊگێرتەو گەلا متاۋمۍ دمایی بە گۊشەگېری بارمێنە.

ئەبوسەقەر ئاماژەش پانەی کەرڎ کە گەلو عەرەبی جە شەنگال ھزرو فلسەفەو ڕامانو ڕابەر ئاپۊیشا پۍ ۋێشا بەبنەما گێرتەن و ۋاتش،" ئەۋەڵەن گۊشەگېری دژوار سەرو ڕابەر ئاپۊی شەرمەسار کەرمۍ. ئەشۊ تەمامو گەلا ئاشتی وازی یەکێتی ۋێشا ساز بکەرانۍ و جە دژو گۊشەگېری صەڎا ھوربڕانۍ. ئێمە پێسە گەلو عەرەبی، بە مەڵامەتو ئا ئاژەیۊ دڵتەنگو خەمبارێنمۍ و گەرەکمانە  نزیکتەرین ۋەختەنە دیڎار چنی ڕابەر ئاپۊی ئەنجام بڎریۊ".

تورکېا سپۊنسەرو ئەساسی داعشیا

سەقەر ماچۊ کە ئاڎۍ بە فەلسەفەو ڕابەر ئاپۊی ژیۋایۍ ھامبەش و یەکسان بنیاڎ منیەیمۍ و ۋاتش،"جە شانگالنە پێسە گەلو عەرەبی و ئێزیدی پێۋەرە بەشێۋەو ۋاڵەو برای مژیۋمۍ. ئانەیچ بە مەڵامەتو فەلسەفەو ڕابەر ئاپۊیۊ دەسەبەربیەن. ۋەرو ئازاڎیی جەستەیی ڕابەر ئاپۊی ئەشۊ ۋەردەوام کۊشیاینە بېمۍ. جە کۊشیایچ زیاتەر ئەشۊ ئێمە سەردەیمۍ ئەو دامودەزگا پەیۋەنڎیدارەکا پۍ ئانەی بتاومۍ فشار ھوزمۍ سەرو دۊڵەتو ترکی ئەرەگېری. ئەشۊ ئێمە بە ئەرەکۊشای ۋێما ڕابەر ئاپۊی دلۍ ئا چۋار دیۋارەینە بارمۍ بەر".

سەقەر جە درێژەو قسەکاشنە ۋاتش،'' گرڎما مزانمۍ کە دۊڵەتو ترکی پۍ چەتەکا پێسەنە پەناگەی، ئا چەتۍ کە جە گێرتەخانەو ھۊلی و بابیەنە ھۊرمەیا ڕاسەوخۊ ملا پۍ ترکیەی. دۊڵەتو ترکی ئا چەتا پەرۋەرڎە کەرۊنە و واوەی کیانۊشاۋە پۍ ئا مەنتیقاو کە گەل ئاسایش و ۋێش چەسپنان و ھجومش کەرانۍ سەر. دۊڵەتو ترکی و چەتەکێش گەرەکشا نیا ۋەرکۊتوو دلۍ ڕاسەی ئارامو ئەمنیەتش چنە بەرقەرار بۊ. گرڎو جەھانیچ ئانەی موینۊ. تورکېا سپۊنسەرو ئەساسی داعشیا.

 چا یاگێنە یەکێتی گەلا بۊنە چاگە زوڵمو ستەم دلێنەمشۊ

ھامسەرۊکو ئەنجومەنو عەرەبەکا شەنگالی ئەبو سەقەر جە دمایی قسەکاشنە ۋاتش،"پەنەوازا بێستا زیاتەر گەلو عەرەبی و گەلو ئێزیدی دەس وزانۍ دلۍ دەس و یۊترینی. چا یاگێنە یەکێتی گەلا بۊنە چاگە زوڵمو ستەم دلێنەمشۊ. ئێمە داوا جە ئەرەمەرزیا پەیۋەنڎی دارەکا و ڕێکوزیاکاو مافو مرۊڤی کەرمۍ دمایی پی ستەمیە بارا".

ھ.ش