بەپاو زانیارییەکا چنڎین زینڎانیۍ جە زینڎانوو "کورکچولەر"وو ئەدەنەیۊ دوورۍ وزیێوە پەی زینڎانوو "بۊڵو"ی. بە واتەو هاموەڵاتییۍ شایەتحاڵی نزیکوو زینڎانوو "ئەسناف"ینە، دووێن جموجووڵ و هاموشۊو سەیارا زینڎانەکەنە زیادش کەردەن.

هاموەخت پارێزەر "مەهتاب سەرت"ە ئەندامەو کۊمسیۊنوو ناوەندوو زینڎانییەکا جە کۊمەڵەو مافوو ئینسانی ئەرەیاوناش، جە زینڎانوو "کورکچولەر"وو ئەدەنەینە چنڎین زینڎانیۍ دوورۍ وزیێنێوە، پەی زینڎانوو "بۊلو"ی.

تا ئیساتۍ حیچ زانیاریێوە بارەو سەبەبوو دووروستەیۊ زینڎانییەکا و خودوو زینڎانییەکا و ژمارەیشاوە وەردەسنە نییا.

 ئینە جە وەختێوەنە دماو بوومەلەرزەکەیۊ ژمارێوە جە زینڎانەکا زەرەرشا وەنە کەوتەبۍ، بەڵام دەوڵەتوو تورکی شارایش شارێوە. وەروو نەلایدەمۊشا، زینڎانیۍ جە چەند زینڎانێوەنە ئەرەپڕێبێنۍ و هەوڵۍ ڕەمایشا دێبێنۍ، وەلیم چەکڎارەکاو دەوڵەتوو تورکی جیای ئانەی بلا دەمشاوە فرە بەتنڎوتیژی و بە تەقەی ڕووبەڕوو وەرشاوە مرڎێبێنۍ و لانووکەمی یەرۍ زینڎانیێشا کوشتۍ.

س.ز