دەبەپە: پەنەوازا دادگاییکەرڎەو چیدەم کلیچگون ئوچارۍ مردۆنە
کۆمیسیۆنو یاسایی دەبەپەی ئەرەیاوناش، پەنەوازا دادگایکەرڎەو هامسەرۆکۆو گردی پارتەکەیشا، چیدەم کلیچگون ئوچارۍ مردۆنە.
کۆمیسیۆنو یاسایی پارتو هەرێمە دیموکراتیکەکا (دەبەپە)ی سەبارەت بە دادگایکەردەو هامسەرۆکۊو گردینەو پارتەکەیشا چیدەم کلیچگون ئوچارۍ، ئەرەیاونێوەش وەڵاکەردۆ.
ئەرەیاوناکەو دەبەپەی ئینەن؛
" ئارۆنە بێجگە جە حکومەتی و هامبەشەکاش، ڕاگیری جە مافو بەشداری سیاسی گردو بەشەکا تەری، فشارکەردەی و خزمەتو دادگای بە حکومەت و دۆڵەتی کە جە دەستوری هەمیشەینە پێسەو "دۊڵەتو دیموکراتیکی و یاسا"ی بانگەشەش پەی مکریۆ، ئینۍ گرڎ ئانەی بەروزا کە دژبەریۍ گۆرە ئینا ئارانە.
دادگا دلێینەییەکۍ کە بەمەڵامەتو ۋەرچەم نەگێرتەی جە قەرارەکا دادگاو دەستووری و دادگاو مافو مرۆڤو ئۆروپای هانی مڎریا و ڕاشا بە دەسوەردای ڕاسەوخۆو حکومەتی دان جە دەسەڵاتو دادوەرینە، بەردەوامێنێ جە دەسوەردای و پاشێلکارییەکا ۋەرا ۋەر بە مافو پاڕێزبەندی.
هەرمانە نەکەردەی پا قەرارا کە پێوەس بە پاشێلکارییەکاوە جەلایەنو دادگاو دەستوری هەمیشەیی و دادگاو مافەکا مرۆڤو ئۆروپایۆ دریێنۍ، دەسوەردای جە دەسەڵاتو دادوەرینە، بییەن بە مایۍ ئانەی دادگا هەرێمیەکۍ جە هەرمان پنەنەکەردەی بە میکانیزمە مېیاننەتەوەییەکا تەمیزکەردەیۆ غیرەت هورگێرا و بە ئاراسەو زەوتکەردەی مافو پارێزبەندی بە زەقی هەرمانە بکەرا.
جە ئەرەیاواکەینە جەخت چانەیە کریانۆ کە دادگاییکەردەی چیدەم کلیچگون ئۆچارۍ هامسەرۆکەو بەدەپەی جە دادگاو تاوانەکا یەرەمو ئەستەنبوڵینە بەردەواما و وچیان:
"دادگاو دەستووری ئەرەیاونانش کە بەردەوامی دادگاییکەردەو پەرلەمانتارا بە شێوێوە کە ڕاگیر بۆ جە چالاکی یاسانیارەیشا، ئینا جبەرو یاسای دەستوورینە. وەرو ئانەی نموونە هەن کە قەراردریان دادگاییکەردەو ئەندام پەرلەمانێوە مردیۆ، چونکی هەم دەسەڵاتو یاسانیایرە و هەم مافو چالاکیی سیاسی چا بارۆ پاشێل مکەرۆ. پەنەوازا پارێزبەندی یاسانیارەی و پارێزناو پەرلەمانتارا مشتومڕش جە بارۆ بکریۆ. پۆکەی ئەرەیاونمێش کە شەکواو سەرو هامسەرۆکێما چیدەم کلیچگون ئۆچارۍ جە دادگاو دەستوورینە هورشنیۆوە و قەرارو مردنای دۆسیەکەی تەریش کە جەلایەنو دادگاو دلێینەیۆ هۆرسەنگنایش پەی کریان، جابەجێ بکریۆ."
