دکتۆرەکێ سری سورەیا ئوندەری ئەندامو شاندو ئیمراڵی ئەرەیاونێوە تازەشا وەڵاکەردۆ و واتشا: "جە ڕوانگەو نیرۆلۆجییۆ ڕەفڵەکسەکێ مەژگو نەوەشەکەیما کەمش کەردەن و هورماساو مەژگیش بەردەواما".
سەرۆک فراکسیۆنو ئەنجوومەنو پارتو یەکسانی و دیموکراسی گەلا (دەم پارتی) و ئەندامو شاندو ئیمراڵی سری سوورەیا ئوندەر خەسەخانەو فلۆرانس نایتینگەیلینە جە ناوچەو شیشلی ئەستەنبوڵی چارەسەر کریۆنە.
دکتۆرەکێ ئوندەری وەردەمو خەسەخانەینە سەرو دماین دۆخو تەندروسی ئەرەیاونێوەشا وەڵاکەردۆ.
وەرپرسو دکتۆرەکا خەسەخانەو فلۆرانس نایتنگەیلی، پڕۆفیسۆر. دکتۆر. چاڤلان چیفتچی ئاماژەش پانەیەدا جە لایەنو دەمارییۆ دۆخەکە تا مێ خراپتەر بۆنە.
واتیشش: "جە ڕوانگەو نیرۆلۆجییۆ ڕەفڵەکسەکێ مەشکو نەوەشەکەیما کەمش کەردەن و هورماساو مەشکیش بەردەواما."
جە بەردەوامی قسەکاشەنە چاڤلان واتش: "ونە و مەشکیش مچیای مچیۆ. گرڏ و ئینیشا ئانەیە نیشانە مڏۆنە کە تەرسی سەرو ژیوایش زیاتەر بییەن، بەڵام بە ئارامییۆ گرڏ و چارەسەرییەکا ئەنجام مڏەیمێ و بە ئارامییۆ جەمەڕا بیمێ."
نوقتێ مەڕیێ
پڕفیسۆر. دکتۆر. یاسەف ئۆزسارفاتی دماو ئەرەیاوناکەی جواب و ڕۆنامەنویساش داوە و واتش: "نوقتێ مەڕیای ئینەنە؛ وەڵتەر کێشەکێ جە سیستەمو دڵیشەنە بێنێ، بەڵام چی دماییا کێشەکێ نیرۆلۆجیش زیاتەر وەڵابیێبێ. پۆکەی پنەش وچیۆ نوقتێ مەڕیێ، خاس نەبییەو دۆخو نیرۆلۆجیی. هەم ڕەفڵەکسەکەشەنە کاتو پشکنینە کەم بۆوە، ئیسەیچ ئامارە تۆمارکریێکش بەرش وسا کە هەڵای بێ جوابا."
واتشش: "بە پاو ئا ئامارا کە ئینێ وەردەسمانە ئەستەما واچمێ بەرەو خاستەر ملۆنە. جە ئیسەنە زانیاری سەرو مەردەو مەشکیش نییا وەردەسەنە. جە کۆنترۆڵەنە هیچ ئامارێوە پی جۆرە نییا."
'هەوڵمڏەیمێ موعجیزێ بەدی بێنە'
پڕۆفیسۆر. دکتۆر. ئەرتان ساگباش واتش: "ئەر ئیسە پشتگیری ئیکۆ سەرو دڵیش بڕمینە، مەتاوۆنە ونی یاونۆنە. ئیسە هێزش نییا.
دکتۆر ئەرتان سگباش ئاماژەش پانەیەدا ئینێ چارەسەرکەردەو وەرفراوانەنە و واتش: "هەشت ڕوێن هیچ دەرمانێوە بێهۆشکەردەیما پنە نەران. حەر پۆکەی چەمەڕوانێنمێ. واتە هەوڵمڏەیمێ موعجیزێ بە دی بێنە."
