هاموتەواچا کۆمسیۆنوو یاسایی پارتوو دیموکراسی و یەکسانی گەلا (دەم پارتی) سەڤدا چەلیکە و ئۆزتورک تورکدۆغان پەی ئانەی بتاوا ڕابەروو گەلو کوردی عەبدوڵا ئۆجالانی بوینا، داواکاریشا وست ڕووە.

سەڤدا چەلیک ئۆزبینگۆلە و تورکدۆغان پەی دیڎاری چنی ئۆجالانی کە ٣٩ مانگێن حیچ هەواڵ و زانیاریێوەش جە بارۆ وەردەس نیا، داواکارینامێوەشا پێشکەش بە وەزارەتوو دادی کەرد.

جە داواکارینامەکەنە باس جە گۆشەگیری دژواری جە ئیمراڵینە کریان و ئی داواکارییە وزیان ڕووە: " دمایی بە سیاسەتوو پڕچنای تەمامەتی پەیوەندییەکا بۍ کە جە زینڎانوو دوورگەو ئیمراڵینە بریۆ ڕاوە. بنەما یاساییە جەهانییەکۍ کارشا پنەبکریۆ. پەی ئانەی بنەیانە و پارێزنەرا بتاوا عەبدوڵا ئۆجالانی و سزادریایا تەری وەیسی ئاکتاش، عومەر خەیری کۆناری و حامیلی یەڵدرمی بۋینا، حۊڵی پێویس وزانە گەڕ.

پېسە سەرۆکوو دەسەی دادوەری و داواکارە گردینیەکا، سەبارەت بە ۋەرپەرسا گۆشەگیری رەهای جە دورگەو ئیمراڵی و پەی دەسپنەکەردەی ۋنەپەرسای پا جۆریە ڕاو جا بگێردێنە ۋەر.

پېسە هاموتەواچا کۆمسیۆنوو مافوو مرۆڤی و یاسایی دەم پارتی پەی ئانەی بتاومۍ عەبدوڵا ئۆجالانی و سزادریایا تەری وەیسی ئاکتاش، عومەر خەیری کۆناری و حامیلی یەڵدرمی بۋینمۍ، داوا مکەرمۍ ڕاما پنە بڎەیدۍ".