دماو ١٥ ڕوا جە ڕاوەنەگێرتەی کارەوانوو مانگەی سوورەو کورڎی یاوا شەهبا
کارەوانێوە هامکاریی مانگەی سوورەو کورڎی، کە جە ٣ بارورگیرا پێک ئامابۍ، یاوا کانتۊنوو شەهبای.
١٥ ڕوۍ دماو ئانەی بازگەکاو حوکمەتوو دیمەشقی ڕاشا جە لوای کارەوانەکەی گێرتە، کارەوانوو هامکاریی مانگەی سوورەو کوردی، کە پێک ئامێبۍ جە یەرۍ بارورگیرا، پڕاوە پەی دلۍ شەهبای. بارۍ بارورگیرەکا دەرمان، پێویسیی پزیشکی و یارمەتییە سەرەکییەکۍ بێنۍ.
خاڵەکاو وشکنای حوکمەتوو دیمەشقی ڕاشا نەڎا، کارەوانەکەشا پەی ماوەو ١٥ ڕوا مرڎنا، ئا مرڎنای و ڕاگیرییەیچە چوارچووەو سیاسەتوو دەورەدای بۍ دژوو کۊچبەراو عەفرینی.
هامکارییەکۍ ملوو کۊچبەراو عەفرینی و وەنەقۊمیایا بوومەلەرزەکەیرە بەخشیاوە.
س.ز
