بۆنۆو ٨و ئاداری ۆو جەهانی ژەنە کرێکاراوە، ژەنی سەرو جادەو هونەر دێرسیمی گلێرێ بیێوە. بە سەرمەشقایەتی پلاتفۆرمو ژەنا دێرسیمی جە جادەو هونەری تاوەکو مێڏانو سەید ڕەزا دێرسیمی ڕاپیمایشا کەرد. ژەنی بە لافیتێ "جە دژو جەنگی، قەیوم، تنوتیژی و بێ بڕوایی ئینایمێ مێڏانەنە" ڕاپیماکەرێ پەیامو ئانەیشادا کە ئەوەکۆشای ئینا کەشەنە.

بە پێ مردای دروشمو "ژەنی، ژیوای، ئازادی"، "گوڵستان دوک ئینا چکۆ"، "جە دێرسیمەنە قەیوما گەرەک نییا" و "قەیوم لوە، دێرسیم هینە ئێمەن" بەرزکریاوە.

سەرپیل ئاگرینە چاکە کۆنگرێوە ڕۆنامەوانیش ئەنجام دا و ئاماژەش پانەیە کەرد بە میراتو ئەوەکۆشای وەڵینی، بەرەو ئایندە ملمێنە، سەرپیلە جە وەراوەرو قەیومینە ناڕەزایەتیش نیشانەدا و کۆمکوژییەکێ سووریایش یاڏوستیمێ کە جە واراوەرو عەلەوییەکانە ئەنجام دریێنێ.

سەرپیل ئاگرین پەیامەکەو ڕابەر ئاپۆیش یاڏ وستیمێ و واتش ژەنی لایەنگرو ئاشتیینێ.

هامسەرۆکو شارەوانی دێرسیمی بیرسەن ئۆرهان کە قەیوم یاگێ ئاڏنە سەپیان و واتش: "بناغەو بنیاد نییاو ئاشتیی ژەنێنێ. بە پاگیریۆ ماچمێنە ئاشتیی".

پەرلەمانتارو دێرسیمی ئایتەن کوردۆ داواکارییەکەو رابەر ئاپۆیش یاڏوستیمێ و واتش، ژەنی گلێرگەی دیموکراتیک بنیاد منییا.