"سەرکەوت ئەحمەڎی"ی زینڎانی سیاسی و چالاکوو کوردی، کە ماوەو دووۍ ساڵا بۍ، زینڎانوو کرماشانینە جە وەرکەوتوو کوردسانینە زینڎان کریابۍ، زانیا هیزی بەدزیوە و بەبۍ هاگاڎارکەرڎەیۊ بنەیانەی و پارێزەرەکەیش دریان جە داری.

"ئەحمەڎی" بە شێوێوە نهێنی زینڎانوو "دیزڵئاوا"و کرماشانینە کریان پەتەرە. "ئەحمەڎی" وەڵتەر ئەنداموو کۊمەڵەو زەحمەتکێشاو کوردسانی بییەن، مانگەو کانوونوو دووەموو ٢٠٢١ینە، کە هەوڵۍ دۍ بەرەو ئەورووپا بلۊ، لاو هێزەکاو دەوڵەتوو ئێرانیوە گیریا و چێروو چەمڎاریی وەزارەتوو ئیتلاعاتوو ئێرانینە چەنەپەرسایۊش چەنە کریا.

دماتەر بە تۊمەتوو کوشتەی ئەندامێوە هێزە ئەمنییەکاو ئێرانی بە نامۍ "حەسەن مەلەکی"یوە، سزاو جەداردایش ملەرە سەپیا.

س.ز