ژیۋای ئاڵۆز بیەن، ڕووەدایەکۍ فرێنۍ ئینەیچ پاسشە کەرڎەن کە چێوۍ فرۍ ڕووەشا دێنە و پنەما نەزانێنۍ، بەڵام تاریخ گرڎ وەختۍ سەر-ڕاس بیەن ۋەرا ۋەر بە ۋێش. حەجگیز هیچ چێوۍ خاوەن بەهاو ژیۋای جە ۋێشەنە گوم نمەکەرۆ. تاریخ پېسەنە لەپو دەسەکاما، چنگۍ و پەنج پەنجۍ، هەرچی ڕووەشدا بۆ و ڕووە بڎۆ بە پیمەرو لەپو تاریخیرە موییەرۆ. ئا ڕووەدایەی هۊرگیرو بەهاو مرۆڤایەتی بۆ یاگێش دلۍ لەپو دەسینە پارێزیان؛ گوم نمەبۆ. بۆ بە ئامیان پەی ڕووەدایەکا تەری، گرڎو ئا ڕووەدایا جە تاریخۍ قەڎیمیۆ ۋێش فڕەدان دلۍپنتێوە ژیۋایۆ و جە تەوژمەو "ئاپۆیینە" ۋێش شێوەگیر کەرڎەن بە بەرگێوە ڕازاوە بە بەهاکا مرۆڤ-بیەیۆ. ئەما سەرو پەنج پەنجەکەیۆ ناخونۍ هەنۍ، هەرچی پیسی و چەپەڵی هەن چېرو ئا ناخونانە کۆبیەنۆ و جە فۆرمو لیبۆکێکینە و بە نەهەو خیانەتیوە ۋێش شارانۆ ۋەرو چەمەکا ژیۋاینە؛ ژیۋایۍ خاوەن قیمەتینە.

سەرو لەپو تاریخی ئاپۆیی و دلۍ زېڵۍ ئاپۆیینە بینگۆڵ

فەرماندە ئورهان بینگۆل (عەلی دینچەر) پا بە پا، تەوەن بە تەوەن تا میاوۆ کەش بە دەشتاییەکارە. جە لێوارو ئاوەکا چەولیکی (بینگۆل)یرە پېسە هەڵۆیۍ کە ژیۋای دلۍ قەفەسو سیستەمو سەرمایەداریش پنە پەسەڼ نەکریا، بە چەمێ تیژۆ بە نزیکبیەیۆ جە ڕامانەکا ڕابەر ئاپۆی ئازادیش هەستپنەکەرڎ، پېسە هەڵۆیۍ داش شەقەو باڵی و پەشتیش جە ژیۋای قەفەس ئاساو-شاری و ڕووە جە قولەپۊپەو کەشە ئازاڎەکا کورڎەسانی کەرڎ; پېسە واچی کە جە ئاسمانۆ زەریفی کەشو کۆی و دار و دەوەنی و ئاوەو کورڎەسانیش دییەبۆ ئاڼە عاشق بە ژیۋای کەشی بۍ. جە سەختتەرین ئاژەو شۆڕشو ڕزگاریینە سەرو قولەپۊپەو کەشەکا زاگرۆسیوە نیشتۆ. هەرزوو هامشانو هەڤاڵاش، شان بە شان چنی هەر جوڵێوەشا گورزۍ جە سەروازە ترسنۆکەکا دژمنی شانێنۍ. پەرسای 'چنین بژیۋمۍ'و ڕابەر ئاپۆیش کەرڎ بە بنەماو ژیۋای ئەرەکۊشای و تا دما ساتو ژیۋای ئاپۆیی دلۍ زېڵۍ ۋێشەنە ڕا کەردۆ. هەر پۊکەی کاتێ تەماشەو تاریخی مکەرمۍ ئاپۆیی موینمۍ، دلۍ زېڵۍ ژیۋای ئاپۆیچەنە فەرماندە ئورهان بینگۆل...

چەمەکۍ بینگۆلی بریسکیایۆ حەقیقەتی

 یۆ جە پرەنسیبە بنەڕەتییەکا دلۍ ڕیزەکاو گەریلای پابەند بیەی، ۋۍ-فیدایکەردەین پەی هەمڕایی.

جە دمادماییەکا ساڵەو ١٩٩٠ینە فەرماندە ئورهان بینگۆل هەنگامەی یوەمەش پەی دلۍ ژیۋای حەقیقەتو ئازادی هۆرگێرۆ، جە سەختەرین کات و ساتو هرووژمی قڕکاری فاشیزمو دۆڵەتو تورکینە، بەشدارو دلۍ ڕیزەکا گەریلای مەبۆ. هەر چنی بەشداربیەیش مەبۆ بە یۆ جە میلیتانە هەرە- بە پرنسیپییەکا ئاپۆیی. قەسەم و قەولو پابەڼ بیەی بە ژیۋای گەریلایەتی پەی هەمیشەی جە ۋێشەنە چەسپنۆ. جە گرڎ ئاژێوەنە پابەڼ بیەن بە بنەماکا هەمڕاییوە و بیەن بە نمونە پەی گرڎو ئانیشا کە نزیکێش بێنۍ. ٣٣ ساڵۍ ئەرەکۊشای بە بێ ئانەی پەی یەک ساتیچ دووەدڵیش پەی وەش بۆ دەسبەردارو بنەماکاش نەبی. ٣٣ ساڵۍ ئەرەکۊشای تەمەنو یەرۍ جیلا؛ تەمەنو جوانی ۋێش، زاوڵەکەیش، نەوەکەیش. چ مۆراڵێوەن چ ۋۍ ڕاگریێوەن! گەر پرەنسیپو ژیۋای گەریلایەتی سەرو پیمەرەکا ئاپۆیی نەبۆ ئانە حەجگیز هیچ هێزێوە نیا ئاڼە ۋێڕاگ بۆ. بەڕاسی حەقیانەتە کاتێ ماچمۍ؛ چی سەردەمە قیزەونەنە تاریخ قەرزارو بەها مرۆڤایەتییەکا پەکەکەین.