پڕۆفیسۆر گەنچای گورسۆی ئاماژەش پانەیەدا پەیوەندی دەم پارتی چنی ئۆپۆزسیۆنی ئەرێنییا و واوەیش کەردۆ پەی چارەسەرو پەرسەو کوردی مشۆم ئی پەیوەندییە بەردەوام بۆنە. ئانەش یاڏوستیمێ کە تاوەکو ئیسە دۆڵەت هیچ هەنگامێوەش نەنیان.
بانگەوازو "ئاشتی و گلێرگەو دیموکراتیک"و ڕابەر ئاپۆی جە ٢٧و شوباتینە، تا ئیسە تاوتوێ کریۆنە. چنی ئی بانگەوازەیە دماو ئەرەیاوناو سەرۆکو مەهەپەی سۆڵەتو باخچەلی جە تشرینو یوەمینە و قەرار و ئایێر بەستەو پەکەکەی، دۆڵەت تا ئیسە پەی چارەسەرو پرسو کوردی هەنگامێوە نەنیان. پڕۆفیسۆر گورسۆی پێوەس با پەرسێوە پەی ئاژانسو هەواڵو فوراتی (ANF) قسێش کەردێ.
باسو تاوتوێکا چارەسەری و ئاشتی جە تورکیانە مکەرمێ ە، بەڵام وەڵێ ئانەی گەرەکمانە باس جە سری سوورەیا ئوندەری بکەرمێنە. کە بەمەڵامەتو دۆخو سەختی دڵییشۆ چارەسەر کریۆنە و شمە چێش ماچدێ؟
پڕۆفیسۆر گورسۆی: ئەر تورکیانە باسو ئاشتی بکەرمێنە، بێگومان باسو سری سوورەیا ئوندەریچ مکەرمێنە. سری سوورەیا ئوندەر جە ئەوەکۆشای ئاشتی تورکیانە بە تایبەت جە پەرسەو ئاشتی کوردینە جە سەرەتاو ساڵەکا ٢٠٠٠ی تا ئیسە ئینا ئەوەکۆشاینە و پەی ئاشتی تورکیا ئەوەکۆشۆنە.
بەمەڵامەتو ئانەی دکتۆرەنا، فرە چەمدێری تەندروسی ئاڏی مکەر و ویرش چنە مکەروە. هیواڏارەنا دیسان یاگێ وێش جە ئەوەکۆشای ئاشتیینە گێرۆوە.
ئی پەرسێ سەرەراو ئانەی کاریگەری ڕاستەوخۆش نەبۆنە، بەڵام ئایا ئی پەرسێ کاریگەریش سەرو گرڏو بوارەکا ئابووری، گلێرگەی، سیاسی و تورکیا مکەرۆ؟ گرڏو ئا پەرسا ئارۆ تاوتوێشا مکەرمێ، جە حەقیقەتەنە بەرهەمو یاواینە و دژە دیموکراتیکی نیەنێ؟
پڕۆفیسۆر گورسۆی: ڕاسا، بەڵام ئینە تاکە مەڵامەتێ نییا. ئەر دەسەڵاتداریێ جیاوازتەر سەرو بنەماو یەکسانی، ئازادی و دیموکراسی بیێ، ئانە دۆخەکە جیاوازتەر بێ. جە پەرسەو ئاشتینە دۆخەکە جیاوازتەر بۆنە.
پەرسەو پەکەکەی جە تورکیانە بە قسێ وێشا "پەرسەو تیرۆر" ی هۆکارو گرڏ چێوێ نییا، بەڵام یۆ جە هۆکارە گرنگەکا. ئینە پەرسێوە نییا کە ئیسە بۆنە ڕۆژەڤ. جە سەرەتاو ئەرەمزنارەو کۆمارو تورکیایۆ تا ئیسە پەرسەو کوردی چارەسەر نەکریان.
جە مانگە وتشرینو یوەمینە ئی پەرسێ چنی بانگەوازەکەو سەرۆکو مەهەپەی دۆلەتو باخچەلی بیی بە ڕۆژەڤ. پی جۆرە ئی بانگەوازییە جە لایەنو باخچەلیۆ کریا، تاوتوێ کریا و فرە و لایەنەکا خەڵەت یاوێنە؟ شمەیچ خەڵەت یاوایدێنە؟ هەرپاسە گەرەکتانە دەربارەو کاراکتەرو ئی پڕۆسەیە چێش ماچدێنە؟
پڕۆفیسۆر گورسۆی: ئەر بە ئاشکرا واچونە، سەرەڕاو گرڏو قسەکا بڕوا جە منەنە دروسە نەبیێنە، بڕوا مەکەر و جە چارەسەرکەردەو پەرسەو کوردینە بە دڵ کەراش. وەرو ئانەی ئینسان جە تەمەنو ٧٠،٨٠ ساڵینە بە ئاسانی مەفاڕیۆ.
وەرو ئی پەرسێ گلێرگە نیگەرانیش هەن. بانگەواز کریۆنە، بەڵام هەنگامێوە ڕۆشن نییا. شمە چێش ماچدێنە؟
پڕۆفیسۆر گورسۆی: هیچ هەنگامێوە نەنریان، تەنها هەنگامەو هەڕەشەکەردەی نریێنە. ئارۆیچ جە کاتێنە دۆڵەتو باخچەلی جە لێوە ئیرادەو وێش نیشانە مڏۆ پەی درێژەدای بە پرۆسەکەی، سەرۆککۆمار ڕەجەب تەیب ئەردۆگان و ڕاوێژکارەکێش ماچانە "پەکەکە تەسلیم بۆنە و چەکەکا ڕادەس مکەرۆ و وێش هۆرشانۆوە". چبەرو ئینەی زیاتەر هیچ مەواچۆ.
دماو بانگەوازەکەو ٢٧و شوباتی کە پێسەو هەنگامەی یوەمە بەرەو ئاشتەوایی تەماشە کریا، دیاریکریا جە ماوەو حەفتێوەنە هەنگامە نریۆنە و گۆشەگیری هورگیریۆنە و ڕابەر ئاپۆ ڕاستەوخۆ ئی پڕۆسەیە چنی گلێرگەی تاوتوێ مکەرۆ. بەمەڵامەتو ئینەی ئا چێوێ کە وچیێ جابەجێ نەکریێ، شمە چێش ماچدێ؟
پڕۆفیسۆر گورسۆی: ئی بانگەوازە هەنگامێوە گرنگا. وینیا ئی هەنگامێ جە لایەنو کادرا پەکەکەیۆ قبوڵکریا. مەبەسم ئانەن نمەزانۆ تا چن تاومێنە ئینەیە سەلەمنمێ، بەڵام ئنەی جە میدیاکاوە وینوش پەکەکە پەشتگیری ئی پرۆسەیە مکەرۆ. پۆکەی ئی هەنگامێ مانادارەنە. چنی ئینەیچ هیچ نەبییەن، پەرسەو کەلتووری و گلێرگەی و کوردی چارەسەرنەکریان، مدرناو جەنگی دەسکەوتێوەن. هیچ چێوێچ نەبۆنە مشۆم خزمەتو ئینەیە کەرمێنە.
شمە چی دۆخەنە هەڵوێسو ئۆپۆزسیۆنی چنین ویندێ؟
پڕۆفیسۆر گورسۆی: سەرۆکو پارتو گەلوو کۆماری ئی پڕۆسەشە بە ئەرێنی پێشوازی کەرد. ئینە گرنگا.. ئیسە وینمێ حەر دووی لایەن فرە بە پەرسیارێتییۆ مامەڵە مکەرا.
بەڵێ ئابووری خراپ مکەرو، بەڵام مشۆم جە یاڏ نەکریۆ پەی چارەسەرکەردەو ئینشا پەرسە و کورد بنەڕەتییا. ناچارێنمێ ئینەیە بە زوانێ گونجیا بە گەلی واچمێ.
هیواڏەرەنا سەرەڕاو گرڏ چێوێ، سەرەڕاو گرڏ هەلومەرجێ نەرێنی، سەرەڕاو بەردەوامیی قڕکەردەو ئیسرائیلی، ئیمپریالیستەکا هەرێمەکەی، سیاسەتمەدارا کوردی و تورکی بە هەنگامێوە عەقڵ تەندروس ئی پەرسێ چارەسەر مکەرا.
