هامسەرۆکا ئیلح و دەم پارتی، ئانەشا بەربڕی کە ئیلح ئا شارەنە کە جە ساڵەو ١٩٧٠ینە جمیەری وڵاتپارێزنی چنەشەنە سەرشهۊردان و گەشەش کەردەن و کۆمەڵایەتی بیەن و واتشا : "گەلوو ئیلحی ساحیب قەراروو ۋێشانۍ و ڕا مەڎا قەڵاکۍ لاوازە بۆ".
هامسەرۆکاو ئیلح و دەم پارتی موسەفا مەسعود تەکیک و سۆنول کۆرکمازە، ئاژەی تایبەتی ئیلحی و هەرمانوو کارەکۍ هۊرچنیەیشا هۊرسەنگنۍ.
تەکیک باسش جە ئاماڎەکارییەکا هۊرچنیەی کەرد و واتش: "بە شێوێوە سروشتی و بە ورییاییوە ۋێما پۍ ئی هۊرچنیەیە ئاماڎەکەردەن. جە ڕوو مۆراڵی و چالاکییوە حۊڵما دان جە ئاستوو پێویسینە بیمۍ و چالاکیەکێما بیاوا بە گرڎ یانێوە گلێرگەی".
'بلمۍ پۍ گرڎوو یانەکا ئیلحی'
تەکیک باسش چانەی کەرد جە ئیلحەنە بەشێوێوە هەرمانە کەرمۍ کە بلمۍ گرڎ یانەکا و تەناتەڎ یەک یانەیچ نمازمێوە و واتش: " جە گرڎ ڕووێوە ۋێما پۍ هۊرچنیەکا ئاماڎەکەردەن. پۍ پارێزناو دەنگوو دەنگ دەراما گرد کارۍ کەرمۍ. حکومەتی دەسەڵاڎدار گەرەکشا فەزێوە سیاسی پۍ ۋێش خولقنۆ، ٤٥ ساڵێن سەروو ئی ڕێوە بەردواما. جە حەفتاکا سەڎەی ویەردەیۆ ئیلح یاگۍ سەرهۊردای جمیەری وڵاتپارێزین و گەشەش کەردەن و گلێرگەیی بیەنۆ، پۊکاتی حکومەتی دەسەڵاڎدار بەشێوێوە جیاواز مامەڵە چنی ئیلحی کەرۆ".
'ژەنی مەبۆ ڕا بەدەسەڵاڎداری پیایا بڎا".
هامسەرۆکەو ئیلحی سۆنگول کۆرکمازە ئانەش وست ڕووە، دەم پارتی سیاسەتوو ژیۋایۍ دیموکراتیک و ئاشتیانە ئەنجام مڎۆ و واتش: "مشۊم گرڎ کەسێ بە دیموکراتیکانە و ئاشتیانە سیاسەتوو ۋێش کەرۆ، پا مەعنۍ کە کەسی بە دوژمن مەوینمۍ. ئیلح بنەماو سیاسەتوو ئێمەن، کۊشیایما پارێزنمۍ و ۋەرفراوانش کەرمۍ. پێسە ژەناو ئیلحی گرنگیێوە تایبەت مڎەیمۍ پی هۊرچنیەیە. بە باوەڕ و ئیراڎەو ۋێما پرۆسەو هۊرچنیەی بەقوەتتەر کەرمۍ. پۊکەی مشۆم چی خەباتەنە یانە بە یانە ڕوانگەو دیموکراتیکانەو ۋێما بیاونمۍ بە گرڎوو ژەنا ئیلحی و کۊشیایما ۋەرفراوانتەر کەرمۍ دژ بە سیستموو قەیومی و دەسەڵاڎداری پیای. بە گرڎوو هێزیماوە، دەسکۆتەکاما پارێزنمۍ".
