هەردووی گەریلاو هەپەگەی مەزڵوم چیاگەر و کورتای دێرەزۆر بە جەخت وستەی سەر واتش "ژەنی ئازادە نەبۆنە، گلێرگەیش ئازاد نمەبۆنە"ـی ڕابەر ئاپۆ ئەرەیاوناش ئی ئەوەکۆشایە تەنیا ئەوەکۆشاو ژەنا نییا، بەڵکوم ئەوەکۆشای هامبەشو گلێرگەین.
گەریلاکێ هەپەگەی بۆنۆو نزیک بییەیۆ ٨و ئاداری ڕۆو جەهانی ژەنە کرێکارا لوا پەی وێشا سەرو ئەوەکۆشای ئازادی ژەنێ بەربڕی.
مەزڵوم چیاگەر سەرنجش وست سەرو ماناداری و گرنگی ٨و ئاداری و واتش: "سیستەمو سەرمایەداری بە گرڏ شێوێ ژەنیش سەرکووتە کەردێنە و کەردێنێش بە کۆیلە. حەر پۆکەی ڕابەرایەتی ماچۆنە 'تا ژەنی ئازادە نەبۆنە، گلێرگە ئازاد نمەبۆنە'. پۆکەی ئەر ژەنی ئازادە نەبۆنە، ئانە پەی هەمیشەی گلێرگە چێر دەسە بۆنە و ئازاد مەبۆ. مشۆم جە سەرەتانە شۆڕش بونیاد بنریۆ تا ئانەی ژەنی سەربەخۆ و ئازادە بۆنە. ژەنی پەنەوازا وێشا ڕاوەبەرا و حیچ جۆرە دەسەڵاتداری و سەردەسەیێ قبوڵ نەکەرا."
ئی ئەوەکۆشایە ئەوەکۆشای گرڏیمانە!
گەریلا مەزڵوم جە قسەکاشەنە هورسەنگنایش پەی ئا ئەرکەیە کەرد کە گنۆنە سەرو شانا گەریلای و واتش: "ئا ئەرکەی گنۆنە ئەستۆما ئانەی پەی ئازادی ژەنێ جوڵیۆوە. جە ئەوەکۆشایمانە پێسەو هەمڕەیا پیای حەرچی گنۆنە ئەستۆما ئانەی مکەرمێ، پۆکەی مەبۆنە ئی ئەوەکۆشایە حەر ژەنی کەراش، چونکە ئەرک و ئەوەکۆشای گردیمانە."
مەزڵوم چیاگەر پەیوەس بە درووسکەردەو کەسایەتی سەرنجش وست سەرو گرنگی پەروەردەی و واتش؛ "پەی ڕزگار بییەیما جە سیستەمەکەی پەنەوازا وێما پەروەردە بکەرمێنە و وێما بنیاد بنییەیمێ. مشۆم جە ڕوانگەو زیهنیەتیۆ وێما پنەیاونمێ و ئینێ گرڏ بە پەروەردەکەردەی بۆنە. هەم هەڤاڵێ ژەنێ، هەمیچ هەڤاڵێ پیا سەرو ئی بنەمێ پەروەردە هورگێرانە. بنەماو پەروەردەکەیما پەی ئانەی کە چێش کەرمێنە تا ئانەی جە زیهنیەتو سەردەسەی ڕزگارمان بۆنە."
