گەریلاکێ یەژاستاری بۆنۆو ٨و  ئاداری ۆو جەهانی ژەنە کرێکاراوە، قسێشا پەی ئاژانسو هەواڵو فوراتی (ANF) کەرد.

ژەنی بە فەلسەفەو ڕابەر ئاپۆی وێشا بەهێز مکەرانە

گەریلاو یەژاستاری ڕوناهی ڕەشیدە کە خەڵکەو کۆبانێنە و ساڵانێوەن ئینا کەشەکا کوردەسانینە ئەوەکۆشای مکەرۆنە، ئەرەیاوناش بە مڏرامانو گەلی جە بەنداو تشرینینە سەربەرزەنە و جەختش کەردۆ گەل بەرامبەروەراوەرو ئەرەگیری سەر مەنامنۆرە، واتش: "ئێمەچ پەشتەو گەلەکەیما مدرمێوە. وەڵتەر ژەنی دلێ گلێرگەینە ڕەوشێوە خراپەنە بێ، نەتاوێ هیچ بکەرۆ. گرڏ چێوێ دەو پیایۆ بێ. بەڵام ئیسە وینمێ ژەنی گرڏ چێوێ ڕوابەرا. ژەنی بە فەلسەفەو ڕابەرایەتی وێشا وەڵێ وست".

هەرپاسە ئەرەیاوناش ژەنی ئەوەکۆشایێ گۆرە دلێ ڕیزەکا گەریلاینە ئەنجام مڏانە، واتش: "تەماشە و هەر یاگێ مکەرۆ ژەنی پەی ٨ و ئاداری ئەرەبڕۆ، وێشا مشناسانە، کەسێتی وێشا مشناسانە، دلێ سیستەمینە وێشا ڕاوەبەرا".

کەس نمەتاوۆنە ژەنا ملکەچ بکەرۆنە

گەریلا ڕوناهیە واتش: "ژەنی یاوێنێ بە ئاستێ ئیتر کەس نمەتاوۆنە ملکەچشا بکەرۆ. ژەنی وەراوەرو زیهنیەتو پیاسالارینە مرداوە. چونکە ئیتر کەسێتی وێشا ئشناسان و یاوێنێ بە ئاستو ڕابەرایەتی. جە ڕابەرایەتی یاوێنێنە و بەشدارییێ بەهێز مکەرانە. پێسەو گەریلاکا یەژاستاری و پاژکی، یاوێنێ ئاستو وێ ڕاوەبەردەی، ئیتر فێرێ بیێنمێ چنین دلێ پەکەکەینە وێما وەڵێ وسمێنە. ئینە بەتایبەت بە فیکر و فەلسەفەو ڕابەرایەتی پێکمێ. چونکە ڕابەرایەتی ماچۆنە پەنەوازا ژەنی وێسا وەڵێ وسانە و وێشا هۆشیار بکەراوە. ئێمە جە کەسێتی ڕابەرایەتینە یاوێنمێ با ئاستە وێما ڕاوەبەرمێنە. ژەنی متاوانە هەرچی پنەوازا کەراش. ژەنی بڕواشا بە هێز و ئیرادەو پەکەکەی هەن".

گەریلا ڕوناهیو دماینە دڵوەشی وێش بەربڕی بە ویناو وێنە و نامەو سەرۆکایەتی و ئەرەیاوناش ٨ و ئاداری جە سەرۆکایەتی و گرڏو ژەنا جەهانی و گەلوو کوردی و گەریلای موبارەک مکەرۆنە.

یەکێتیی ژنان پێویستە

گەریلای یەژاستار ژیندا چەلێ ٨ ی ئاداری لە تەواوی ژنان پیرۆز کرد و تیشکی خستەسەر تێکۆشانی چەندەها ساڵەی ژنان، هەروەها ئاماژەی کرد بە سیستەم هەوڵدەدات لەڕووی ماددی و مەعنەوییەوە ژنان لەناوببات، گوتی: "دەبێت ژنان تێکۆشان مەزنتر بکەن و دەست بدەنە دەستی یەک. هەتا ژنان یەک نەگرن، تا هەتایە ئەم ستەمە بەردەوام دەبێت. چونکە سیستەمی سەرمایەداری هیچی بۆ ژنان نەهێشتووەتەوە. دەبێت ژنان ئیرادەی خۆیان ببینن. ژنان چۆن دەتوانن شەڕ بکەن؟ لەسەر ئەم بناغەیە سەرۆکایەتی تەڤگەری ژنانی دامەزراند".

پەنەوازا ژەنی هەرمانە و ڕەنجو وێشا پارێزنا

گەریلا ژیندانە ئەرەیاوناش ژەنی گرڏ کاتێ ڕەنج‌وریێ بیێنێ، واتش: "دلێ سیستەمینە هەرمانە و ڕەنجو پیای وینریۆنە، بەڵام هینو ژەنێ نا. پەنەوازا ژەنی هەرمانە و ڕەنجو وێس پارێزنۆ. هێزو وێسا بشناساوە، تاوەکو تاوانە وەراوەرو سیستەمو سەرمایەداری هەمیچ وەراوەرو ئەرەگیری پیاسالاری ئەوەکۆشانە".

هەرپاسە جەختش کەردۆ ژەنی دلێ ئەوەکۆشای تەڤگەرو ئازادینە سەرمەشقێنێ، واتش: "زیاتەر ژەنی ئەوەکۆشۆنە، ئەوەکۆشای ژەنا قبووڵکریان و ژەنی متاوانە بە ئیرادەو وێشا جە گرڏ ڕوانگێوە وێشا وەڵێ وسانە. چی ڕوانگۆ، ئەوەکۆشایشا گۆرە کەردەن".

تا سەرکۆتەی ئەوەکۆشمێنە

گەریلا ژیندانە داواش جە گرڏو ژەنا کەرد یۆبییەو وێشا پێکبارانە، واتش: "ئەر ژەنی یۆی نەگێرا، سیستەم گرڏ کاتێ ژەنی دلێنە بەرۆ و شکستشا پنە مارۆنە. ئەر بانە یۆ، سیستەم نمەتاوۆنە سەرکوتشا بکەرۆنە. ئەر یۆبییەی نەبۆنە، ئازادی نمێ دی. پەنەوازا ژەنی یۆی گێرا و ئازادی وێسا وەڵێ وسانە.

٨ و ئاداری جە گرڏو ژەنا موبارەک مکەرونە. قەول بە سەرۆکایەتی مرەیمێ، تا دمای درێژە بە ئەوەکۆشای مڏەیمێ، چێوە سڵام جە سەرۆکایەتی مکەرونە؛ ئێمە هەواڵێوەما جە تۆوە پنەیاوا، دڵوەشێ نێنمێو پنەش کاریگەرێ بێنمێ".