هەڵەبجە باوشی پەی ڕۊشنویرە هەورامییەکاو وەرکەوتی و پانیشتی کەرۊوە
ئەرەمەرزیاو کەریموو عەلەکەی "یەرەمین دیداروو ئەدەب و کولتووروو هەورامانی" بە بەشداریی نویسەر و ڕۊشنویرە هەورامییەکاو پانیشتی و وەرکەوتی، هەڵەبجەی شەهیدنە بەرۊ ڕاوە.
دیداروو پڕۊفیسۊر حەمەئەمین هەورامانی پەی ئەدەب و کولتووروو هەورامانی ناموونیشانوو ئا دیدارە فەرهەنگییەینە، کە هەڵەبجەنە ملۊ ڕاوە، دیدارەکە یەرەمین دیداری تایبەت بە کولتووروو هەورامانین و پێسە هەرمانۍ ساڵانێشا ئێساڵ یەرم ساڵشا بەرڎەوام بۊ ئەرەمەرزیاو کەریموو عەلەکەی بەرۊش ڕاوە، دماو ئانەی دووە ساڵی ویەرڎە دیداروو 'عوسمان محەمەد هەورامی' و 'جەمال بێدار'یش بەرڎۍ ڕاوە.
ئەرەمەرزیاکەی پەی ئاژانسوو هەواڵوو فوراتی بەرش وست، کە جە میانەو گرنگیدایمانە بە کولتووروو هەورامانی بە هەرمانەی فەرهەنگییەی وێما زانێنەما کە ساڵانە دیدارێوە چینە پەی هەورامییەکا ڕێک وزمۍ، چوون هەورامییەکۍ داراو چاندێوە دۊلەمەنی کوردیی هەقەتینینۍ و پارێزنای ئی چاندەیە، هەرمانێنە پەی ئەوەئاستەی و شەوقدایۊ کولتوورەکەی.
بارەو دلێنەو دیدارەکەیۊ ئەرەمەرزیاکە ئەرەیاوناشا، دیدارەکە تەنیا یەک ڕۊن و نۊ ئەوەکۊڵیێش سەروو تارێخ، زوان، جوگرافیا، هونەر و ڕۊشنویریی هەورامانی گێرتێنۍ وۍ، بەشداربییەکۍ وەڵینەی زانستی و ئەکادیمییشا هەن و جە هەردووە بەشەکاو پانیشتی و وەرکەوتیوە ئامێنۍ، جە یەرۍ پانێلە جیا جیایانە باسەکاشا پێشکەش کەرا، هاموەخت جگە جە ڕاوەبەرە ئیداری و فەرهەنگییەکاو هەڵەبجەی مێمانەکێما گردوو لایەکاو پانیشتوو کوردسانیوە خوڵکە کەرڎێنۍ و ئامانجما واتەواچی مەعریفی و سازنای کەشێوە هەورامییانەی مەعریفین تا دەس وزمۍ سەروو ئا پەرسا کە یاگۍ گێرا.
ئاخروو قسەکاشۊ ئەرەمەرزیاکە خوڵکەو گردوو ئا کولتوورڎۊسا کەرۊوە، کە مەیلشا پەی ئی پەرسۍ هەن ڕۊو،(١٧-١٠-٢٠٢٣) هۊڵوو مۊنۊمێنتوو گەشمەرڎاو هەلەبجەینە، خێرامای خەڵکی کەرا.
