دۆسا گەلوو کورڎی جە ٧٤ شارېنەکۆنفڕانسی ڕۊنامەوانیشا ساز کەرڎ و دەسشا بە هەڵمەتەو 'ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی' کەرڎ.

پېسە ئاماژېوە بە عمروو ڕابەروو گەلوو کورڎی عەبدوڵا ئۆجالانی جە ٧٤ شارېنە چانیشا شاروو ستراسبۆرگوو فەرەنسای کە ئەنجومەنوو ئەوروپای، کۆمیتەو ڕاگېرتەی جە ئەشکەنجەی (سی پی تی) و داڎگاو مافەکا مرۆڤوو ئەوروپای ئینۍ چا، کۆنفڕانسی ڕۊنامەوانی سازکریا.

بېجگە جە وڵاتا ئەوروپی جە بەنگلادیش، پاکستان، ژاپۆن، هیندستان، کینیا، ئەفریقای پانیشت، ئەمریکای لاتین و بە دەیان ناوەنڎۍ تەرۍ  بە شێوەی هاموەخت کۆنفڕانسی ڕۊنامەوانی سازکریا.

جە چوار لاو جەهانی، ئەکادیمیسیۍ، ڕۊنامەوانۍ، رێکوزیا مەدەنیەکۍ، پارتە سیاسیەکۍ، پەرلەمانتارۍ، چالاکۍ و وەەرگریکارۍ مافەکا مرۆڤی، فەیلەسوف، براوەکۍ خەڵاتوو ئاشتی نۆبڵی، نوێنەرا رێکوزیاکا  ژەنا و گەلا هەڵمەتەو 'ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی' یشا دەسپنەکەرڎ.

ئا ئەرەیاۋنای کە جە ٧٤ ناوەنڎېنە بە شێوەی هاموەختی ۋنیاوە پی جۆرەنە:

" هەڵمەتەی میان نەتەوەیی 'ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی'، جمیەری کۆمەڵایەتی، پارتی سیاسی، شارەوانی، سەندیکا، چالاکا، رۆشنۋیر و بە ملۋېنان کورڎۍ و دۆساشا جە سەرانسەروو جەهانی دەوروو ئامانجێرە کۊکەرۊوە. ئا ئامانجەیچ بریتیا چانەی کە سەرۆکوو کورڎی عەبدوڵا ئۆجالان بەشڎاری جە دیالۆگێوە سەردەمیانەنە کەرۊ پۍ ئانەی پۍ پەرسوو کورڎی کە قۊرتەو سەڎ ساڵەو تورکیاین چارەسەرېوە سیاسی و داڎپەروەرانە بېزۊوە.

عەبدوڵا ئۆجالان رابەرێوە سیاسی کورڎان کە جە تەماموو جەهانی جە لایەنوو ملۋېنان کورڎاوە پېسە نوێنەری سیاسی تەماشەکریۊ. جە شوباتوو ١٩٩٩ی بە ئۆپراسیۆنێوە هەواڵگری بڕفاناشا و دریاوە دەسوو تورکیای. چا وەختۊن ئینا زینڎانەنە و پۍ ماوەو چنڎین ساڵان پەیوەنڎیش بە جەهانوو بەریۊ پڕچیان. ئەشکەنجە و کردەوۍ ستەمکارانېش ۋەران ۋەر کریېنۍ.

سەرەڕاو ئانەیچ جمیەرۍ کە ئۆجالان مەرزنانشەرە و ئیسفاڎە بە ئینسانەکا یاۋنۊ، جە ریزەکا وەڵېوە کۊشیای دیاریکەرڎەی چارەنوویسوو کورڎا دلۍ جمیەرەکا دیموکراسی فرە ئێتنیکی و فرە ئایینی ۋەرکەوتوو میامینینە یاگېش گېرتېنە. تیۆریەکۍ ئاڎیی پۍ گرڎ کەسۍ جە سەران سەروو جەهانی پەی دیاریکەرڎەی مافوو چارەی ۋېنویستەی، ئازاڎیی ژەنۍ و دمایی ئارڎەی بە نایەکسانی و کۆلۆنیالیزمی بیەن بە سەرچەمەو ئیلهامی و ئیسفاڎە بەخشای.

'پەرسوو کورڎی' کە تورکیانە چارەسەرنەکریان- جەنگ و ناسەقامگیری سیاسی بەمەڵامەتوو رەڎکەرڎەیۊ مافە سیاسی و مەدەنیە بنچینەییەکا ٢٠ ملۋېن کورڎیۊ کە جە کۆماروو تورکیاینە مژیوا- بیەن بە مەڵامەتوو گیانجەدەسدای دەیان هەزار کەسا، حەرپاسە ملۋېنان ئینسانۍ یانە و حاڵ و مەنتیقەو ۋېشا جیا ئاستەن و جە سەران سەروو جەهانینە نەتەوەپەرستی توندڕەوانە، ئایینپەرستی و تاکڕەوی بەقوەت بیەن- ئینەیچ پەیوەنڎیۍ تنش چنی قۊرتە هەڕێمایەتی و جەهانیەکاوە هەن- ئەرەگیری، نەژاڎپەرسی، زۆرداری و ستەم ۋەران ۋەر بە ژەنا، توندڕەوی و دەمارگیری ئایینی، ئەرەگیری و کۆلۆنیالیزمی ئابووری، تێکدای ژیۋگەی- کاریگەریش کەرڎەن سەروو ژیۋای ملۋېنان کەسا.

هەڵمەتەکۍ جە لایېوە میان نەتەوەییەنە، چونکی قۊرتەو کورڎی قۊرتېوە میان نەتەوەییەنە. کوردسان جە بەینوو چوار دەوڵەتا تورکیا، ئێران، عێراق و سوریاینە بەشکریان. ئانۍ کە سەڎېوە چېوەڵتەر ئی بەشکەردەیشا کەرڎ بەریتانیا، فەرەنسا و هێزە ئەوروپیەکۍ بېنۍ. جەنگوو تۆرکیای جە ۋەرکەوتوو میامینی دژوو کورڎی ئەنجاموو ستراتیژیېوە تازەین کە بە پەشتیوانی بۍ مەرجوو دەیان ساڵەو ئەمریکای و ئەنڎاما تەروو ناتۆی هورش گېرۊ، حەرپاسە بەکارئارڎەی ئا هێزانە دژوو دەوڵەتا پېسە ڕووسیا و ئێرانی، کە حۊڵ مڎۊ جە گرڎ لایېوە دژوو کوردەکا سات و سەودا کەرۊ.

میان نەتەوەیین، چونکی چارەسەرەکۍ عەبدوڵا ئۆجالانی میان نەتەوەیینۍ. چوارچێوەو چارەسەری سیاسی کە عەبدوڵا ئۆجەلان پۍ قۊرتەو کورڎی دەستنیشانش کەرڎەن، متاۋۊ دمایی بە سەدېوە جەنگی و ستەمی جە تورکیا و وڵاتا هامسای بارۊ. ئا تیۆرییە گەردونیۍ کە چا چوارچێوەنە چارەسەرەکەش دەستنیشان کەرا، جە زیاڎ بیەی نایەکسانی تا فاڕیای کەشوهەوای، جە دژوو بەرزبیەیۊ ئۆتۆکراسی ڕاستگەرایی توندڕەوانەی، پۍ حەر ئینسانېوە کە جە چارەسەری و یاگەگیروو قەیرانەکا گېرۊ متاۋۊ بۊ بە مۆدێلێوە.

وەختۍ عەبدوڵا ئۆجالان تاۋۊ بەشداری جە پرۆسەی سیاسی پۍ چارەسەری پەرسوو کورڎی بۊ، ئەندێشەکاش وەڵۍ وزۊ، ئازاڎیی و ئاشتی پۍ گرڎیما زیاڎ بۊ. بەداخۊ ڕابەرایەتی دیکتاتۆری جە تورکیا ئینەی مزانۊ و تەرسۍ فرېش چی سیناریۆیە هەن - حەر پۊکەی بە پاڵپەشتی گلېرگەی میان نەتەوەیی، پۍ پارېزناو دەسەڵاتوو ۋېشا و درێژکەرڎەیۊ جەنگی، نزیکەو 3 ساڵان عەبدوڵا ئۆجالانشا دلۍ گۆشەگیرینە ئاستەنۊ.

عەبدوڵا ئۆجەلان جە دماین دیڎارشەنە چنی پارێزنەرا جە ساڵەو ٢٠١٩ینە ئەرەیاۋناش، ئەگەر مەجالش پنە دریۊ، متاوۊ جەماوەو حەفتېوەنە قۊرتەو کورڎی چارەسەر کەرۊ، حەرپاسە  چا وەختۊ حکومەتوو تورکی دمایش بە گفتوگۆکا ئاشتی ئارڎەن. ئا پۍ چارەسەری سیاسی قۊرتەکا کورڎی ئانڎەی تەر پەرەش بە ۋیرۆکە سیاسیەکا ۋېش دان.

 تورکیا جە پانیشتوو کوردسانی و سەرنیشت و ۋەرکەوتوو سوریای  ئەرەگیرکاریەکاش زیاڎ کەرۊ، جە دلۍ و بەرۊ فشارەکا سەروو ئۆپۆزسیۆنی و بەرهەڵستکارا زیاڎ کەرۊ، گەلوو کورڎی و گەلا تەری جە تورکیا، گەلا ۋەرکەوتوو میامینی و جەهانی زیاتەر جە جارانی پەنەوازشا بە چارەسەری سیاسی هەن.

حەرپاسە ئێمە جە گرڎ وەختۍ زیاتەر نیگەرانېنمۍ جە سڵامەتی  و تەندروستی عەبدوڵا ئۆجالانی. گۆشەگیری جە مېڎانوو میان نەتەوەیینە پېسە جۆرێوە جە ئەشکەنجەی ئشناسیان. بەردەوامی ئا جۆرە ئەشکەنجەیە پۍ ماوەو یەرۍ ساڵا فرە مەترسیڎارا. ئێمە حیچ جە بارەو چارەنوویسوو عەبدوڵا ئۆجالانیۊ مەزانمۍ، بېجگە جە 'سزا دیسپلینییەکا' کە بە ئامانجوو ڕاگېرتەی جە یۊترین ۋیناکەی ئەنجام دریۊ و و سەبارەت پانەی کە هەڕەشۍ کۆشتەیش ۋنەکەرا سەبارەت بە چارەنوویسوو عەبدۆلا ئۆجالانی حیچ  زانیاریېما نییە.

ئی ئاژە پی جۊرە مەبۊ ، حەرپۊکەی ئێمە ئی داواکاریا وزمۍ ڕووە:

مشۊم دەموودەس ڕا بڎریۊ کە عەبدوڵا ئۆجالان دیڎار چنی پارێزنەرا و خانەواڎەکەو ۋېش ئەنجام بڎۊ و مەجال دریۊ کە جە چارەسەرکەرڎەی سیاسی و دیموکراتیکی پەرسوو کورڎی بە شێۋېوە داڎپەروەرانە و ئازاڎانە دەور گېڵنۊ".