ئەنجوومەنی گرڎینوو "شێخ مەقسووڎی" و "ئەشرەفیە"ی ئەرەیاوناش، بۊنەو تەقایۊو سەیارێوە بۊمبچنکریایۊ لاو دەوڵەتوو تورکیوە، "هەمزە کۊبانۍ" ئەنداموو لوجنەو ئابووری گەشمەرڎە بی و یەرۍ کەسۍ تەرێچ بریندارۍ بیۍ.
ئەنجوومەنی گرڎینوو گەڕەکەکاو "شێخ مەقسووڎ"ی و "ئەشرەفیە" سەبارەت بە هجووم و تەقنایۊ سەیارێوە بۊمبچنکریای پەی سەروو "شێخ مەقسووڎ"ی ئەرەیاوناێش وەڵا کەردۊ. ئەرەیاوناکەینە ئامان، هجوومەکە جە لاو گرووپەکاو سەر بە میت-یوە کریان و بییەن بایسوو گەشمەرڎەبییەی ئەندامێوە لوجنەو ئابووری و یەرۍ کەسێچ بریندارۍ بیێنۍ.
ئەرەیاوناکەینە ئامان:
"ئەوەڵ سەرەوەشی جە کەسوکاروو قوربانییاو بوومەلەرزەکەی و تەماموو گەشمەرڎاو هجوومەکاو دەوڵەتوو تورکی فاشیستی کەرمۍ. سەرەڕاو بوومەلەرزەکەی، دەوڵەتوو تورکی جە ڕاو تەقایۊ و تەیارەی بێتەیارەوانیوە سەرەمڕا جە هجوومەکاش دژوو هاموەڵاتییە مەدەنییەکا و ڕێکوزیایەکاو گلێرگەی مەدەنی.
سەرەڕاو ئا ئابڵوقە قورسەیە، کە ئینا سەروو گەڕەکەکاو "شێخ مەقسووڎ"ی و "ئەشرەفیە"یۊ، وەلێم ئەنجوومەنی گرڎین و ئەرەمەرزییکۍ گەڕەکەکا بەتایبەتی لوجنەو ئابووری، حەر سەعاتەو ئەوەڵوو بوومەلەرزەکەی دەسشا کەرد بە یاونای هامکاری پەی زەرەروەنەکەوتاو بوومەلەرزەکەی.
چا دۊخەنە هیزی هامڕاما "هەمزە کۊبانۍ" ئەنداموو لوجنەو ئابووری جە ڕاو گرووپەکاو سەر بە میتیوە بە سەیارێوە بۊمبچنکریا، کریا ئامانج. "هەمزە کوبانۍ" شەو و ڕۊ پەی خزمەتکەرڎەی ئەرەنیشتاو مەنتێقەکەی هەرمانەکەرۍ و جە سەختتەرین بارودۊخنە و مانیاینەشناسانە پێویسییەکاشا پەی مسۊگەر کەرۍ.
هەڤاڵ "هەمزە کوبانۍ" لوا ڕیزوو کارەوانوو نەمراوە. ٣ۍ کەسۍ تەرێچ بریندارۍ بیۍ و برینەکێشا قورسێنۍ.
ئێمە ئی تاوانە نائەخلاقی و نائینسانانەو دەوڵەتوو تورکی فاشیستی شەرمەزار کەرمۍ. ئی تاوانە جە هەلومەرجی سەختوو بوومەلەرزە و ئابڵوقەینە جە کەسایەتیی هامڕاما "هەمزە کۊبانۍ"ش دا، دژوو ئەرەنیشتا "شێخ مەقسووڎ"ی و "ئەشرەفیە"ی کریان.
ئێمە پێسە ئەنجوومەنی گرڎینوو گەڕەکەکاو "شێخ مەقسووڎ"ی و "ئەشرەفیە"ی، قەرار بە "هەمزە"ی گەشمەرڎەی مڎەیمۍ، کە سەروو ڕێکێش و خەتەکێش ملمۍ و بە پاو ئا وەرپەرسبییەیە جووڵییەیمێوە".
س.ز
