هەپەگە ئشناسنامەو یەرۍ جە گەشمەرڎا ۋێش ئاشکرا کەرڎ و واتش: "هەمڕێما گابار، خەبات و شەڕڤانی بە ڕێز و وەشەسیایۆ یاڎۍ مکەرمۍ، کە جە فیداییا ڕابەر ئاپۆی بێنۍ. بیمۍ بە شۊنکۊتۍ مەرامە بەرزەکاشا، کە گرڎ چێوۍ ۋێشا پەی بەخشا."
مېیانو ئەرەیاۋنای و چاپەمەنی هەپەگەی ئشناسنامەو یەرۍ گەریلایا گەشمەرڎەیش ئاشکرا کەرڎ کە جە کاتی جیاجیانە جە هەرێمو زاپینە گەشمەرڎۍ بیۍ.
ئەرەیاۋناکەو هەپەگەی پی جۊرەنە:
"٢٥و ئایارو ٢٠٢٢ مېڎانوو مڎرامانو کەشو هەکاریی هەرێمو مەتینای و مېڎانەکۍ مڎرامانو کەشو جودی و کەشو ئێف ئێمی جە هەرێمو گەشمەرڎە دەلیلی جە ۋەرنیشتو زاپی بی بە مەرامو هرووژمەکا سوپاو تورکی ئەرەگیری. سوپاو تورکی کە هەرەکەتو مەنەیۊیش چی هەرێمانە نەبۍ، جە ٤و تەمموزو ٢٠٢٢ېنە هرووژمش کەرڎ سەرو کەشو ئامێدی. جە ئاکامو مڎرامانی تاریخی گەریلاکاو ئازادی کوردەسانینە کە یۆ سەرو یۆی گورزەی کاریگەرە جە ئەرەگیرا شانێنە، شکسو سوپاو تورکیش چنەکۊتۆ و ناچاربی جە کانوونی یووەمو ٢٠٢٢ێنە چا هەرێمانە کیشیۆوە. دماو ئانەی جە ٦و شوباتو ٢٠٢٣ێنە جە ناوچەو بازارجخێنە بومەلەرزێوە ڕووەشدا، جە چڼین شارۍ دەورووبەرو بومەلەرزەکەینە کارەساتی گۊرەش چنەکۊتۆ و هەزارن ئینسانۍ عەمرەو خوڎایشا کەرڎە، پەی تیمارکەردەی زامو گەلا تورکیای و سەفەربەرکەردەی دەرفەتەکا، هامسەرۆکایەتی ڕاوەبەری کەجەکەیما بانگەوازش کەرد و سەرو بنەماو ئی بانگەوازییە گەریلاکاو ئازادی کوردەسانی کۊتۍ پێگەو مردنای چالاکییەکاشا.
بەڵام دۊڵەتو تورکی ئەرەگیری و قڕکەری، سەرو ئی قەرارە ئەخلاقی و مرۆڤایەتییە بەرهەمئاوەریش کەرد و قۊستشۆ، جە مانگەکا تەمموز و ئەیلوولو ساڵۊو ٢٠٢٣ێنە هرووژمی تازەی ئەرەگیریش دەسپنەکەرڎ. فەرماندەیی قەرارگەو مېیانو پارېزنای گەلیما بە ئاشکرا ئەرەیاۋناش ئی هرووژمۍ ڕوبەڕو مڎرامانی بەهیزی باوە، دماتەر کیشیایۊیش نمەبۆ، خاکو کوردەسانی جە گرڎ هەلومەجێوەنە پارېزیۆنە، هرووژمەکە حیچ ئەنجامێوو دەس نمەوزۆ، جە ۋەرا ۋەر بە مڎرامانیمانە گیر مووەرۆ و سەروازۍ زیاتەرۍ کوشیا. کەچی دۊڵەتو تورکی سەرەڕاو ئینەیچ پاگیریش سەرو هرووژمە ئەرەگیریەکا کەرڎۆ. گەریلاکاو ئازادی کوردەسانی جە پایزو ساڵۊو ٢٠٢٣ېنە تا وەهارو ٢٠٢٤ چېرو ئاژەو سەختو زمسانینە، چڼین ئۆپەراسیۆنۍ شۆڕشگێڵنیۍ سەرکۊتێش کەردۍ کە گرڎو جەهانی دیشا. ئی ئۆپراسیۆنە شۆڕشگێڵنیۍ بە دیمەن و بەڵگەکاشاوە بیۍ بە فیلمێوە و پێشکەش بە ڕاو گرڎینی کریا. گرڎ کەسێ چڼ جارۍ هێزی جە بن ناماو گەریلایش دی. ڕژێمو فاشیستی ئاکەپەی پاگیریش جە سیاسەتو جەنگی کەرد و حیچ عیبرەتێوەش جە ڕووەدایەکا هۊرنەگېرت و جە ٤و تەمموزو ٢٠٢٤ینە بە هامکاری پەکەدەکەی و عێراقی هرووژمە ئەرەگیریەکېش سەرو کەشو وەهاری جە هەرێمو گەشمەرڎە دەلیلی جە ۋەرنیشتو زاپی یاونا بە قۆناغێوە تازۍ ئەرەگیری. ئی هرووژمە ئەرەگیریۍ سەرەڕاو ئاېێربەسو ١و ئادارو ٢٠٢٥ کە ئەرەیاۋناما، لایەزال بەردەوامېنۍ.
یەرۍ ساڵۍ سەرو مڎرامانی تاریخی زاپیرە موېیەرۆ. چی مڎرامانەنە یۆ چا یاگا نامېش جە گرڎو جەهانینە وەڵا بیۆ و بی بە قەڵایۍ مڎرامانی تاریخی، هەرێمو گەشمەرڎە دەلیلین جە ۋەرنیشتوو زاپی. چا مەرحەلە تاریخیەو مڎرامانیەنە، تەنیا جە هەرێمو گەشمەرڎە دەلیلی جە ۋەرنیشتوو زاپی، بە دەیان ئۆپەراسیۆنۍ شؤڕشگێڵنیۍ دژ بە سوپاو تورکی ئەرەگیری، جە ئاسمان و زەمینۆ زیاتەر جە ٣٥٠٠ چالاکیۍ ئەنجام دریێنۍ. چا مېڎانەنە یەرۍ فڕۆکۍ بێفڕۆکەوانۍ (سیها)ی جۆرو کاسنوگور، ئانکای و بەیرەقداری تی بی٢ ۍ و بە سەڎان درۆنۍ سوپاو تورکی وزیێرە واری. پېسە جوگرافیای جە مېڎانۍ تەنگەنە، مقارنە بە ژمارەو ئەرەگیرا جە ۋەرا ۋەر بە هێزەکاما، بە هێزێوە فرە کەمۆ، بە دەرفەتی سنوردارۆ و سەرەڕاو هامکارییەکاو پەدەکەی، کە جە پەشتیۆ خەنجەرەش دا جە مڎرامانوو گەریلای، مڎرامانێوە تاریخی ڕاوەبەر کریا. چی مڎرامانە تاریخیەنە کە لایەزال بەردەواما، جگە جە تاکتیکی سەردەمیی، جۆرو شۆڕشو تیمە پسپۆرییەکا جە زەمین و مەڕەکانە، چالاکییەکۍ وەرگیری ئاسمانی گەشمەرڎە دەلالی و وەڵېکۊتەی تەنکنیکە تازەکا، ڕوحێوە ئاپۆیی بێهامتا، هەڵوێسی ئایدۆلۆژی، باوەڕداری هەڵوێستدار و ئیرادەو سەرکۊتەی بەرکۊت. سوپاو تورکی ئەرەگیری پەی ماڕای ئی مڎرامانیە، هەلیکۆپتەری جەنگی، فڕۆکەی جەنگی، تانک، ترۊمبێلی زرێپۆش، فڕۆکەی بێفڕۆکەوان، چڼین جارۍ درۆنش جە سنووری جیاواز و گرڎو چەکەکاش جە دژو گەریلای بەکارئاردۍ. سەرەڕاو ئینیشا گرڎیچ حیچ ئەنجامێوەش بەدەس نارڎ. هەوڵش دا بێ دلۍ مەڕاکا، بەڵام ئا ئەرەگیرۍ گەرەکشابۍ بەیانە دلۍ مەڕەکا ئیتر نەگێڵېوە و ئانۍ نزیکۍ مەڕەکا بیێوە سزادریۍ و مەردۍ، پۊکەی ئیتر غیرەتو ئەنجامدای هەرمانێوە چامنێش نەمەن. سوپاو تورکی ئەرەگیری کە حیچ ڕەهەندێوە مرۆڤایەتیش چنە نیا، نە یاسا مېیاننەتەوەییەکۍ و نە یاساکا جەنگی کە ۋێش ئیمزاش کەردێنۍ، پەشتگۊش وستێنۍ و بە کەڵک هۊرگێرتەی جە ڕۆبۆتی و حەفارەی و ترۊمبێلەکا کە جە دوورۆ بە کۆنترۆڵ جمانە و توتەی پەروەردەکریا کە تەکنیکشا پۊوە بینیان بەکار ئارڎۍ. بە حیچ کام چانیشا ئەنجامش نەگێرت. سوپاو تورکی ئەرەگیری کە چنی هامبەشەکەیچش نەتاواش بێنە دلۍ مەڕەکا گەریلایۆ، هەوڵشا دا بە ورکڵاشتەی ۋێشا بیاونا بە مەڕەکا، چا یاگانە بۆمبی تاکتیکی ناوەکی و گازە کیمیاوییە ژەعراوییەکێش بەکارئارڎۍ، ژەعراویکەردەی ئاوۍ و ئەوەتەقنایۊشا و گرڎ جۊرۍ دژە مرۆڤایەتیشا تاقی کەردۆ. چنی ئینیشا، بڕۍ چا ڕێبازە نامرۆڤایەتیێما پەی ڕای گردیی ئاشکرا کەردۍ و بڕێچشا پەی ئاشكرا نەبیەی ئاستو تەکتیکی مڎرامانکا ئاشکرا نەکەرد. سەرەڕاو ئینەیچ سوپاو تورکی ئەرەگیری جە ۋەرا ۋەرو مڎرامانەکانە جە هەرێمو گەشمەرڎە دەلیلی جە ۋەرنیشتوو زاپی بێ ئەنجام مەنۆ.
جە ئیسەنە یۆ جە مێڏانەکانە کە سەرمەشقایەتی ئی مڏرامانە تاریخییەی مکەرۆ، مێڏانو تەپو ئێف ئێم-مانە. مێڏانو کەش و ئێف ئێم/ سەنگەرەکێ گەشمەرڏە مونزوور ئینێ مێڏانەنە، مەرامو یوەمو هرووژمەکا خەریکا ماوەو یەرێ ساڵان بەبەردەوامی دلێ مڏرامانەنە بییەن. جە سەنگەرو گەشمەرڏە مونزوور و مێڏانو کەشو ئێف ئێم میلیتاتێ فیدایی و قارەمانێ سەرمەشقێ مێڏانو داستانی منویساوە کە بەشێوە شکۆداری تاریخو ئازادی گەلوو کوردین، هەمڕێما گابار بۆتان، خەبات تیرێژ و شەڕڤان گەریلا گەشمەرڏێ بیێ.
ئەندامو فەرماندەو ئەیالەتی گەشمەرڏە دەلیلو وەرنیشتوو زاپی و فەرماندەو مێڏانو تەپو ئێف ئێمی، گابار بۆتان سەرمەشقایەتی ئی مڏرامانەیشە کەرد و هەمڕێما خەبات و شەڕڤان بە ڕوحی فیدایی ئاپۆییۆ مڏرامانێ گۆرەشا تۆمار کەرد.
هەمڕا گابار بۆتان کە ئی مڏرامانە تاریخیە درێژ مەوداشە ئەنجام دا، فەرماندێوە بێ کە دڵ و یاواینەو وێش بەخشا دۆزو ئازادی گەلەکەیما، ئا ئەزموونێ ساڵانێوە جە بوارو تاکتیکی و تەکنیکیینە بەدەسشئارێ، بە داهێنانێوە گۆرە بەکارشا ئارێ. جە دۆکترینو جەنگی شۆڕشگێڵیمانە پرۆفایلیو نەخشێنریای و فەرماندێوە نموونەیی و سەرکۆتەش جە کەسێتی وێشەنە بنیادنیا. هەمڕا گابار فەزیڵەتو بەرزو شۆڕشگێڵیش جە وێشەنە بنیادنیا و بە رۆحو هەمڕایەتی بەهێزی، هەمڕێ دەوروبەریش هورچەرخنێ سەرو گرووپێوە بەهێز و وریا و گرڏ جۆرە هەوڵدێوە دووژمنیش پوچەڵ کەردێوە، سەروازێوە و چاوەشێوە پسپۆرش سزادا، یەرێ چاوەشێ تەرێچش زامڏار کەردێ و بە بەردەوامی نزیکەو ١٢ سەعاتا جەنگش کەرد و دماتەر گەشمەرڏێ بیێ. هەمڕا فیداییەکێما جە مێدانو کەشو ئێف ئێم با دەرفەتە کەمەی ئینا وەردەسەنە، حەر چیشا دەسەنە ئاما بە زیاتەر ئەنجامشا دا. پراکتیکو هەمڕێیاما جە مێڏانو تەپو ئێف ئێمی جارێوە تەر نیشانەشا داوە؛ میلیتانا فیدایی ئاپۆیی بە قوڵبییەیۆ تاکتیکیشا و شارەزایشاوە متاوانە گرڏ هرووژمی پوچەڵ بکەراوە و جە گرڏ چێوێنە سەرکوتووێ بانە.
ئەرەیاونمێنەش بیمێ یا گە گیرو قەول و ئامانجو بەرزو هەمڕا گەشمەرڏەکاما. هەمڕێایا فیدایی ئاپۆییما؛ گابار، خەبات و شەڕڤان بە رێزداری، وەشەویسی و پنەزانای یاڏ مکەرمێوە. سەرسڵامەتی وێما جە بنەیانەو هەمڕێیاما و گرڏو گەلوو کوردی وڵاتپارێزیما مکەرمێنە. قەولمڏەیمێ ڕاپیمای ڕابەرایەتی ئازادی و کوردەسانی ئازادی یاونمێنە سەرکۆتەی کە گۆرەتەرین ئامانجو گەشمەرڏامانە.
زانیاری سەرو هەمڕا گەشمەرڎەکاما پی جۊرەنە
ناسنامۍ / گابار بۆتان
نامۍ و دما نامۍ / عەبدولڕەحیم ئەرزەن
شۊنەماو جە ئەڎابیەی / شڕناخ
نامۍ ئەڎۍ و نامۍ تاتەی / ئاسیا – کازم
کاتو یاگۍ گەشمەرڎەبیەی / ٤ و شوباتو٢٠٢٥/زاپ
*****
ناسنامۍ / خەبات تیرێژ
نامۍ و دما نامۍ / بەردی عەلچی
شۊنەماو جە ئەڎابیەی / سێرت
نامۍ ئەڎۍ و نامۍ تاتەی / بەدرییە – عەبدولعەزیز
کاتو یاگۍ گەشمەرڎەبیەی / ١٢و کانوونو دووەمو ٢٠٢٥ / زاپ
*****
ناسنامۍ / شەڕڤان گەریلا
نامۍ و دما نامۍ / نوری نەعمان
شۊنەماو جە ئەڎابیەی / حەلەب
نامۍ ئەڎۍ و نامۍ تاتەی / ساباح – موستەفا
کاتو یاگۍ گەشمەرڎەبیەی / ٤و نیسانی / زاپ.
*****
