ئەرەیاۋناکەو مېیانو ئەرەیاۋنای و چاپەمەنی هەپەگەی پی جۆرەنە:

"١٣و کانونو یووەمو ٢٠١٨ ی جە هەرێمەکاو پارېزنای مەدیاینە هەمڕێما دیدارە و دەریا گەشمەرڎۍ بیۍ.

هەمڕێما دیدارە و دەریا سەرو هێڵۊو گیانبازی جمیەرو ئاپۆیی بێ دووەدڵی هەنگامەشا نیا، بە ئەرەکۊشای سەرەمڕەو ۋێشا، بیۍ بە جەنگاوەرۍ پەکەکەی و پاژکی و پەی بە یاگۍ یاۋنای ۋەرپرسیاریەتیەکەیشا گرڎ ساتێوە ژیۋایشا بە گەلەکەیشا بەخشا. جە کاتێنە کە هرووژمەکۍ دژمنی دژوارۍ بێنۍ، پەی ئانەی جە ریزەکا وەڵۍ وەڵێوە بەشدارۍ با، پێشنیارشا بەرزکەردۆ، بە هەڵوێسێوە بە پاو رۆحو سەردەمی بەشدارۍ بیۍ.  جە ژیۋای شۆڕشگێڵنانەو ۋێشانە بە کەسایەتی ۋێشا سەرکۊتەیشا پەی ۋێشا کەرڎ ئامانج و بە دڵسۆزی گۆرەیشا پەی ئازادی بیۍ بە نمونە پەی هەمڕایاشا. هەمڕێما دیدارە و دەریا پېسە گەریلا سەرکۊتەکا یەژاستاری پەی بەدیئامای ئایدۆلۆجیاو رزگاری ژەنۍ رەنجێوە گۆرەشا دا، بە ئیراڎەی قەوەت کە جە رابەر ئاپۆیۆ هۊرشا گێرتەبۍ گرڎو هرووژمەکۍ دژمنیشا ماڕۍ. بە رۆحی فیداییشا تا دما هەناسەشا بە دڵسۆزی مەرامو ژیۋای ئازاڎی مەنێوە و بیۍ بە گەریلۍ نمونەیی یەژاستاری. هەمڕێما دیدارە و دەریا بە هەڵوێسی بڕیاردارانەو ۋێشا سەرو هێڵۊو ئازاڎیی ژەنۍ و توڕەیۍ گۊرەی جە دژو دژمنی جە گەریلایەتینە ۋیشا سەلەمنا، ئڼەو ئەرەکۊشایشا هەرپاسە بە گەشمەرڎەبیەیچشا پەی هەمڕایاشا بیۍ بە شۆڵەچراوەو ئازاڎیی.

سەرەوەشی جە بنەیانەی بەقیمەتیشا مکەرمۍ کە جەنگاوەرا فیدایی ئاپۆیی پېسە هەمڕایاما دیدارۍ و دەریێشا یاۋنۍ بە ئەرەکۊشای ئازاڎیما، هەرپاسە سەرەوەشی جە گەلی وڵاتپارێزنو کورڎەسانیچما مکەرمۍ. قەول واوەی مکەرمێوە کە جە ئەرەکۊشای ۋێمانە یاڎو گەشمەرڎا بکەرمێوە.

زانیاری سەرو شناسنامەو هەمڕا گەشمەرڎەکاما پی جۆرەنە:

ناسنامۍ / دیدار ژیندا

نامۍ و دمانامۍ / زەکیە ئاکن

شۊنەماو جە ئەڎابیەی / جۆلەمێرگ

نامۍ ئەڎۍ و نامۍ تاتەی / بورجو - نایف

شۊنەماو وەختو گەشمەرڎەبیەی / ١٣و کانونو یووەمو ٢٠١٨/ هەرێمەکاو پارێزنای مەدیای

*****

ناسنامۍ / دەریا بۆتان

نامۍ و دمانامۍ / مەلەک پاکسان

شۊنەماو جە ئەڎابیەی / جزیر

نامۍ ئەڎۍ و نامۍ تاتەی / خەزال - عوسمان

شۊنەماو وەختو گەشمەرڎەبیەی /١٣و کانونو یووەمو ٢٠١٨/ هەرێمەکاو پارێزنای مەدیای