هەپەگە ئشناسنامەو گەریلێوە گەشمەرڎێش ئاشرا کەرد
هەپەگە ئشناسنامەو گەریلاو یەژاستاری سیبەل چەلیکە (تاڤین تێکۊشین)ێش ئاشکرا کەرد، کە جە بەستانە گەشمەرڎی بییە و ئەرەیاوناش، "گرد وەختێوە پا تایبەتمەندییە ناوازەو وێشۊ یادش کریۊوە سەرمەشقەو کۊشیایمنە".
ئەرەیاونیاو ناوەندوو ئەرەیاونای و چاپەمەنیی هەپەگەی پێسنەن:
"جە ئەرەیاونیاو ٥وو شوباتوو ٢٠٢٣ێنە ئەرەیاونابێما کە سوپای ئەرەگیرەو تورکی ٢١وو کانوونوو دووەموو ٢٠٢٣ جە مەیدانوو بەستاینە ئۊپراسیۊنێوە وەرفراوانش کەرڎەن، جە ٢٢-٢٣ۍ کانوونوو دووەمینە بەینوو هێزەکامانە و ئەرەگیرانە جەنگیوە دژوار ڕووەش دان، واتەبێما کە چا جەنگەنە چەنی شش هامڕایا تەریما نودا-زۊزان ئۊجالیشە جە ٢٣ۍ کانوونوو دووەموو ٢٠٢٣ گەشمەرڎی بییە. وەلۍ بە پاو ئا زانییارییا دمارتەر دەسما کەوتۍ، ئاشکرا بی کە هامڕێما نودا گەشمەرڎی نەبیێنە و هامڕێما تاڤین تێکۊشینە گەشمەرڎی بیێنە. وەروو ئا غەڵەتی داواو چەنەویەرڎەی جە بنەیانەی بەڕێزوو هامڕێما نودۍ و سەرجەموو گەلەکەیما کەرمۍ.
جەنگاوەرەو پەکەکەی و پاژکی هامڕێما تاڤینە بە کەسایەتیی کۊشەروو وێش، بە هەڵوێستی ڕۊشنوو وێش سەروو خەتەو ئازادیی ژەنۍ و حەوڵدایش تا بۊ بە هامڕێوە خاسەو ڕابەر ئاپۊی، بووە نموونیوە بێهامتا و دڵسۊزە پەی وەڵاتی. سەرباروو ئانەیە کە ئەورووپانە پەیدۍ بیێبۍ چایچ گەورۍ بیێبۍ، حەرگیز جە ڕاسیی کوردسانی نەبڕیارە وپەی ئانەیە کۊشیا، پا هەڵوێستەو وێش بییە خەتەو کۊشیای گەنجاو کوردسانی.
هامڕێما تاڤینە بە کۊشیای ئەفسانەیی وێش جە بۊتاننە و جەنگی گیانبازانەنە دژوو دوژمنی سەرمەشقەو ڕەفێقەکاش بۍ، ئەوەڵ جە بنەیانەو هامڕا تاڤینۍ و جە تەماموو گەلی وەڵاتپارێزنوو کوردسانی سەرەوەشیی کەرمۍ.
زانیاری سەروو ئشناسنامەکەیش پێسنەن:
ئشناسنامێ: تاڤین تێکۊشین
نامۍ و دمانامێ: سیبەل چەلیک
یاگۍ جەئەدابییەی: ئەڵمانیا
نامۍ ئەڎێ-تاتەی: نازیمە- خەیری
وەخت و شۊنەو گەشمەرڎەبییەی: ٢٣ۍ کانوونوو دووەموو ٢٠٢٣/ بەستا
س.ز
