کۆمسیۆنو ژەناو پلاتفۆرمو هۆرام-ی پەیوەست بە گیان چەدەستدای شلێر ڕەسوڵی و ناڕەزایەتیی ژەناو مەریوانی و داواکاریەکانشان بەیاننامەش وەڵو کەردەوە و جە میانشەنە سەرەڕاو سەرکۆنەکەردەو هەوڵدای پەی دەستدرێژیکەردەی سەرو شلێر ڕەسوڵی و جە ئاکامشەنە گیان جەدەستدایش، پشتیوانیش جە وێنیشاندای و داواکاری ژەناو مەریوانی کەرد و بە پەیام و هەنگامێوەگرنگە دژ بە دەسەڵاتی و گلێرگەی پیاسلاری بەنامێش کەرد. کۆمسیۆنەکە وازیارەن ژەنی وێشان ڕێکبوزانێ تا بتاوانێ ڕووبەڕووێ دەستدرێژی ببانێوە و مافەکانشان دەستەبەرێ بکەرانێ.

تەمامی بەیاننامەکەی:

کۆمسیۆنو ژەناو هۆرامانی بە بۆنەو گیان جەدەسداو شلێر ڕەسووڵی (قوربانییەو دەسدرێژی)، پشتیوانی وێش پەی داواکاری ژەنا مەریوانی نیشانە مڎۆنە.
خەلکو و وەشەویسو مەریوانی بەگردیی و  چینو ژەنا بەتایبەتی، گیان جە دەسداو خاتو شلێر ڕەسووڵی کە بە شێوە تراژدی بیە بە قوربانییەو مسەلەی شەرەفی ، دڵ و هەستو گرد ئینسانێ بە ویجدانیش ئازار دا . جە فیپسگایە پیا سالار ڕوانە بە شێوە جۆراو جۆرەکا دەسدرێژی ، بە سووک وینای و بێحۆرمەتی وەرانوەر بە ژەنا ڕووە مذۆنە . فرەو ژەنا بە بۆنەو فەرهەنگو پیاساڵاری و دەسەڵاتی مڵهۆریەوە جە وەرانوەرو
و ئا کەردەوە قیزوناوە بێدەنگی هۆرموچنانۍٚ . بەڵام جە چند روی ویەردێنە دیما کە خاتو شلێر ڕەسووڵی جەوەرانوەرو دەسدرێژی کەسێوە ، جیای تەسەلیم بیەی ، مەرگش هۆروچا . شێوەو بەرەنگار بیەو خاتوو شلێری پەیامێ گەورەن پەێ فیپسگای و بە تایبەت ژەنا کە ڕوانە جە وەرانوەرو دەسدرێژیەکاوە بێدەنگیشا هۆرچنیەن.
بەلام دەنگ بەرزکەردەیۆ و ناڕازی نیشانداو ژەناو مەریوانی جە چند ڕوی ویەردێنە ، بە بۆنەو مەرگ و خاتوو شلێرێوە یاگێ ئۆمێدیەنە . چالاکی ژەنا مەریوانی نیشانەو ئاگابیەو ژەنان وەرانوەر بە ئا زوڵم و ستەما کە دەوڵەت و فیپسگای پیا 
ساڵاری بە شێوەی سیستماتیک پێ دەسدرێژی سەرو ژەنا و مافەکاشا.. پسەو کۆمسیونو ژەناو پااتفۆرمو هۆرام-ی سەرەڕاو شەرمەزار کەردەو گرد جۆرێ دەسدرێژی ، سووک وینای ژەنۍٚ و جیاوازی مافی میانو  ژەن و پیاینە ، پشتیوانی وێما جە چالاکی ژەناو مەریوانی پەی بنبڕ کەردەو ویر و دەسەڵاتی پیاساڵارانە نیشانە مڎێمێ . باوڕما ئانەن کە پێ یاوای بە فیپسگایە یەکسان و ئازاد و دەستەبەرکردەی مافەکاو ژەنا ، وێڕیکوستەی و پەنەیاوناو ژەنا پەنەوازەن .