کۊمیتەو ئازاڎیی عەبدوڵا ئۊجالانی پانیشتەن، سەبارەت بە ڕاگێرییەکاو ئیدارەی و هێزە ئەمنییەکا سلێمانیوە ١٥ شوباتینە، وەراوەروو ئازاڎیوازا و چالاکا ئەرەیاوناێوەش وەڵا کەردۊ.
ئەرەیاونایەکەی ئینەن:
"بە ئامانجوو شەرمەزارکەردەی ١٥ شوباتوو ١٩٩٩ ساڵوەگێڵوو پیلانگێڵنیی میاندەوڵەتی دژ بە بەڕێز عەبدوڵا ئۊجالان ڕابەروو گەلوو کوردی، هامشان پا هەڵمەتە جیهانیێ، کە پەی ئازاڎیی بەڕێزیشا دەسش پەنە کەردەن، قەرار بێ شاروو سلێمانییچنە پێسە فرەو شارەکاو کوردستانی و جیهانی ڕۊو ١٥ شوباتی پێسە گردوو ساڵای تەری، ئا یادەیەی کەرمێوە وەلێ بەداخۊ ئانە کە گەلەکەما چەمەڕوانش نەکەرێ ئیدارە و دەزگا ئەمنییەکاو شاروو سلێمانیینە ڕووەش دا، ئانەیچ ڕاگێری بێ جە کەردەی چالاکیێوە (کە چی ڕووەنە گردوو شارەکاو سەرنیشتوو کوردستانی و تورکیانە کریا)، بە پێچەوانەو فرەو یاگای تەروو دنیێوە، بە وەڵاوەپەنەکەردەی هێزێوە فرەی ڕاشا وەنەو کۊبییەیۊکەی گێرت، نەک حەر ڕاگێری، بەڵکوم دوور جە گردوو پرنسیپێوە دیموکراسی، چندین ڕۊنامەنویسێ حەر جە ئەوەڵۊ ناچارێ بە دوورکەوتەیۊ جە جادەو سالمی کریێ و دماتەر زیاتەر جە سی کەسا گیریێ، کە دلێشانە هامسەرۊکاو تەڤگەروو ئازاڎیی بێنێ،چەنی یەرێ ڕۊنامەوانا.
ئێمە جە کۊمیتەو ئازاڎیی ئۊجالانیوە پانیشتوو کوردستانینە؛ سەرەڕاو یاواینەیما جە بارودۊخی سیاسی و هەڕەشەکاو دەوڵەتی ئەرەگیروو تورکیای سەروو ئیدارەی و خەڵکوو سلێمانی، وەلێ ئانەیە وزمێ ڕووە، ئەگەر تورکیا بەهانێ فشارەکاو پارێزنای ئاسایشی نیشتمانی وێش بۊ، ئانە بە ئیرادێوە شۊڕشگێڵنیوە ئانە بە دەسەڵاتداراو پانیشتوو کوردستانی ماچمێ، کە حەر کەس و لایەنێوە بلۊ چوارچوەو دژایەتیی هەڵمەتەو ئازاڎیی پەی بەڕێز ئۊجالانی ئانە بەدڵنیاییوە پاشێلوو پرینسیپوو ئەخلاقوو نەتەوەیی کەرۊ، ئادیچ بەشداری و لواین دلێ درێژەو ئا پیلانگێڵنییە کە دژ بە جمیەروو ئازاڎییوازوو سەرنیشت و سەرکەردەکەیش کریۊ، جا حەرلایەنێوە چا پەرسێنە هامکاریی دەوڵەتی ئەرەگیروو تورکیای بۊ، هیزی بۊ یان ئارۊ یا دماڕۊ، تاریخی نیشتیمانی و نەتەوەیی وێش وزۊ چێروو پەرسێوە.
ئاخرۊ ئانەی ئەوەخوای کەرمێوە، کە ئازاڎیی پەی عەبدوڵا ئۊجالانی چارەسەروو پەرسەو کوردی حەر چوارپارچەو کوردستانی نزیکتەرێ کەرۊوە."
