هونەرمەنڎ دەلیل میرساز قسېش پۍ ئاژانسوو هەواڵی فورات (ANF)ی کەرڎۍ و باسش چانەی کەرڎ کە ڕابەروو گەلوو کورڎی عەبدوڵا ئۆجالان جە ڕاو کولتوریوە دەسش بە کۊشیای ئازاڎیی کەرڎەن. دەلیل میرساز ئەرەیاۋناش، کە عەبدوڵا ئۆجالان ژیۋایش پېسە کولتورێوە هۊرسەنگنا، ئانەش پۍ ۋېش بە بنەماگېرت کە گلېرگە و ژیۋایۍ حېقم بنیاڎ بنیۊ و واتش، "بنیاڎنیای کولتورێوە حېقم وەڵۍ گرڎ چېۋېنە جە ڕاو خولقنای کەسایەتی بەقوەتیۊ بۊ. حەرپۊکەی بناغەو کولتوری کۆمەڵایەتیش نیارە. ئەرەمەرزناو گروپی سەرەتایی جە ڕاو ئەرەمەرزناو کولتوریوە بۍ. کۆڵەکۍ کولتورێوە پا جۊرەیشە نیارە کە ئازاڎیی ئینسانی و گلېرگەی بە بنەما گېرۍ".

کولتورە جیاجیاکېش بە یۊی یاۋنۍ

میرساز ئەرەیاۋناش کە ڕابەر ئاپۊ  نەک حەر سەروو کولتوروو کورڎا قۆۆڵبیەیۊش بۍ، خۊتان رێبازێوە پا جۊرەنە کە جیاوازییە کولتوریەکېش پۍ ۋېش بەبنەما گېرتۍ و واتش، "پېسە چەپکە گوڵێوە کە رەنگە جیاجیاکا  جە ۋېشەنە کۊکەرۊوە. نەک حەر گروپی سەرەتایی، حەرپاسە جە ئامای ڕابەرایەتی پۍ سوریایچ ئا رەنگینیەییەو کولتوری ۋینیۊ. هەرمانەو هونەریچ تێکەڵ بە هەرمانە کولتوریەکا کریا. جە ئەرشیفەکانە ۋێنۍ فرە قەڎیمیۍ هەنۍ. بە ئامای پۍ لوبنانی هەرمانەی کولتوری و هونەریەش دەسپنەکەرڎ. بێگومان بە ۋۍ یاونای بە گەلوو فەلەستینی رەنگینی گەلا جە کولتور و هونەرەنە نیشانە مڎۊ".