هێزەکۍ عێراقی بە زەبرو تفەنگی گەرەکشانە چوۋاردەورو مەخموری گېرا
هێزەکۍ عێراقی ئی جارەشا بە هێزێوە فرۊ دەسشا بە جمای کەرڎەن و گەرەکشانە جە دەوروبەرو کەمپو پەنابەرانە نوقتۍ سەروازیۍ وەشکەرا، پەنابەرەکېچ ۋېڕاگری مکەرا.
جە ٢٠و ئایاریوە سوپاو عێراقی حۊل مڎۊنە جە دەوروبەرو کەمپو پەنابەرا گەشمەرڎە رۊسەم جودی (مەخمور)ینە خەندەق دۊۋنە، تەلبەنش کەرۊ و نوقتۍ سەروازیە چوۋار دەورشەرە وەش کەرۊ.
جە دژوو ئانەیە خەڵکو مەخموری ٩ ڕوۋېن ئینۍ مدرامان و وېڕاگرینە.
چی سەر سەعبەنە جارێوەتەر سوپاو عێراقی بە هێزێوە گۊرۊ کەوتېنۍ جمای و نیازشابۍ نوقتۍ سەروازیە وەشکەرا.
خەڵکو کەمپەکەی دژوو ئانەی مرڎېوە و جە ئیسەنە جە دژوو ئا حۊلا وېڕاگری مکەرا.
هـ . ش
