جە دەگاو کانی کەندی سەر بە قەزاو کۆیەی، بە فڕۆکەی بێفرۆکەوانی بەبۊمب چنیا هجوم کریا سەروو ترۊمبېلېوە. پا مەڵامەتۊ سایەقەکە گیانش جە دەسدان، ٣ هاموڵاتیۍ تەروو دلۍ ترۊمبېلەکەی زامڎارېنۍ.
سەروو ڕاو دەگېوە سەر بە قەزاو کۆیەی ترۊمبېلېوە جە لایەن و فڕۆکېوە بێ فرۆکەوانیۊ بۆردومان کریان. بەپاو زانیارییەکا گەشمەرڎۍ و زامڎارۍ هەنۍ.
بەپاو ئا زانیارییا کە دەسما کۊتېنۍ، کەمێ چېوەڵتەر جە دەگاو کانی کەندی سەر بە قەزاو کۆیەی، ترۊمبېلېوە جە لایەن و فڕۆکېوە بێ فرۆکەوانیۊ بۆردومان کریان.
سەبارەڎ بە هجومەکەی، یاگەگیروو ڕاوەبەروو تەندروستی کۆیەی شێروان جەلال پۍ ڕۆژنیوزی قسېش کەرڎۍ و ئەرەیاۋناش؛ "هجومەکە نزیک بەکۆیەی ڕووەشدان". جە ئاکامەنە سایەقەکە گیانش جە دەسدان و ٣ کەسۍ تەروو دلۍ ترۊمبېلەکەیچ زامڎارۍ بیېنۍ. ئاژەو زامڎارەکا خاسا."
شێروان جەلال دەستنیشانش کەرڎ کە تەماموو ئا کەسا کە دلۍ ترۊمبېلەکەینە بېنۍ خەڵکۍ مەڎەنیېنۍ و هەر ٤ کەسەکە ئەنڎاموو خێزانێوەبېنۍ.
