جە شار ڤێنلو-و هۆڵەندا-ی، بە دروشمو "جە کۆشای ڕزگاری و ئازادی کوردستانیەنە، ڕاو سەرکەوتەی یەکڕیزین"، ٢١مین کۆنیشتو گردیی کەنەکە-ی بە بەشداری ٣٠٠ ئەندامۍ و ١٠٠ مێمانۍ کوردۍ و بیانیۍ دەستش بەکارەکانش کەرد.
ئەمڕۆ جەمە (٢٠٢٢/١٢/٠٢)ی سەعات ١٤:٠٠ بە وەختو میانەو ئەوروپای، جە شار ڤێنلو-و هۆڵەندا-ی، بە دروشمو "جە تێکۆشای ڕزگاری و ئازادی کوردستانیەنە، ڕاو سەرکەوتەی یەکڕیزین"، ٢١مین کۆنیشتو گردیی کۆنگرەو نەتەوەیی کوردستانی- کەنەکە دەستش بەکارەکانش کەرد و جە میانشەنە ٣٠٠ ئەندامۍ کەنەکەی و ١٠٠ مێمانۍ کوردۍ و بیانیۍ جە کوردستان، ئەوروپا و وڵاتۍ تەرۍ جیهانیەوە بەشدارێنۍ.
کۆبییەکە بەخێرئاوردەی جەلاو کەنەکەیەوە و دەیەقێۋ مدرای پەی گیانبەخشانو ڕاو ئازادی کوردستانی کریاوە.
دماتەر وتۍ و پەیامۍ مێمانەکان و پارت و لایەنە کوردستانییەکان پێشکەشۍ کریۍ کە تا سەعات ١٩:٠٠و ئێوارەگای درێژەشان ببۆنە.
جە ڕۊی دووەمەنە (شەممە ٢٠٢/١٢/٠٣)، هەرمانەکۍ جڤاتی جە سەعات ٠٩:٠٠ی سەرسەبای تا ١٩:٠٠و ئێوارەگای بەردەوامۍ مبانۍ و جە میانشەنە وتۍ و پەیامۍ میوانەکان و پارت و لایەنە بەشدارەکان درێرێژەشان پنە مڎریۆن.
دماتەر فڕیای جە ئەندامانە و سۊگەندای ئەندامانو کەنەکەی ملۊڕاۋە.
شۆنیشەرە راپۆرتو کۆنسەو ڕاۋەبەریی ك ن ک-ی پێشکەش بکریۆنە و بۋزیۆن ۋەرو باسی و گفتوگۆی. دماتەر سەرو پەیڕەو دلینی گفتوگۆ بکریۆن. واتوۋاچ سەرو بەڵگەو ستراتیژی نەتەوەیی بکریۆن.
جە رۊی یەرەمینەنە یانی یەکشەممە (٢٢٠٢/١٢/٠٤) جە ٠٩:٠٠ سەرسەبای تا شەوۍ کارنامەو کۆنیشتەکەی بە ئی جۆرەنە:
- هۆرۋچنای ئۆرگانەکانو ك ن ك-ی بە کۆنسەو راۋەبەری و هامسەرۆکاۋە.
- خاڵۍ سەربەستۍ و پێشنیارۍ
-گەڵاڵەکەردەو ئەنجامنامەی
