بە مەڵامەتو ئەوەتەقایۆ درۊنێوە جە ئامێدی ٣ پێشمەرگۍ زامڎارۍ بیۍ
ئارۆ درۆنێوە بەبۆمچنیا ۋێش بە نوقتێوە پێشمەرگەیرە جە دەگاو بلاڤەی سەر بە ناوچەو ئامێدی-رە جە پانیشتوو کوردەسانی تەقناوە، جە ئاکامەنە ٣ پێشمەرگۍ زامڎارۍ بیۍ.
بەپاو هەواڵێوە ئاژانسوو ڕۊژنیوزی، ئارۊ جە ئاکامو ئەوەتەقایۆ درۆنێوەنە سەرو نوقتێوە هېزەکاو پېشمەرگەی جە سنورو ئامێدینە ٣ پێشمەرگۍ زامڎارۍ بیۍ.
ڕاوەبەرو تەندرووسی ئامێدی مەسعود تاهر ئەرەیاۋناش، جە ئاکامو هرووژمێوە درۆنیینە پەی سەرو نوقتێوە پێشمەرگەی جە دەگاو بلاڤەی سەر بە ناوچەو ئامێدی-رە جە پانیشتوو کوردەسانی ٣ پێشمەرگۍ زامڎارۍ بیۍ ، زامڎارەکۍ یاوۍ خەسەخانەو ئامێدی. بەپاو زانیارییەکا ئاژەو تەندرووستیشا جێگیرا.
حەرچڼە حیچ ئەرەیاۋنێوە ڕسمی وەڵا نەکریانۆ و هەڵای لایەنی ئەنجامدەرو هرووژمەکەی ئاشکرا نەکریان. بەڵام ڕووانە بۊمبواران و تۆپوارانەکۍ دۊڵەتو تورکی پەی سەرو هەرێمەکەی بەردەوامێنۍ.
