یووەجە ئەرەمەرزنایاو پارتوو کرێکاراو کورڎستانی (پەکەکە)، ساکینە جانسزە (سارا)، نوێنەرەو کۊنگرەو نەتەوەیی کورڎستانی (کەنەکە) جە پاریسنە، فیدان دۊغان (ڕۊژبین)ە و لەیلا شایلەمەز (ڕۊناهی)یە، لە ٩ کانوونوو دووەموو ٢٠١٣ جە پاریسنە تیرۊر کریێ، حەر پاسە ئەنڎامەو دەسەو ڕاوەبەری کەجەکەی ئەمینە کارا (ئەڤین گۊیی)، ئەنڎامەو بزووتنەوەو کولتووریی و میر پەروەر (محەمەد  شیرین ئایدین)ە و وڵاتپارێزوو کورڎی (عەبدولڕەحمان کزل) جە ٢٣ کانوونوو یووەمی جە دلێنەو ڕۊشنویریی کورڎینە، جە شاروو لۊزانی جە سویسرانە تیرۊر کریێ، پەی یاڎوو ئا گەشمەرڎا جە شاروو لۊزانوو وڵاتوو سویسرینە چالاکییێوە ڕێک وزیا.
 

 کورڎستانیۍ و دۊسەکێشا، سەروو خوڵکەو ئەنجوومەنوو ژناو لاژینی، وەرڎەموو دلێنەو گلێرگەو دیموکراتیکوو کورڎینە جە لۊزاننە، کوۍ بیێوە، بە واتەیۊ درووشما بەرەو مەیڎانوو سانت لۊرانت کەوتۍ ڕا و داواشا کەرڎە، وەرپەرساو کۊکوشییەکاو پاریسی ئاشکرۍ کریا.

ڕسموو شۊڕشگێڵنە تیرۊرکریایەکا و پاریسی و "ناگەهان ئاکارسەل" ئەنڎامەو ئەکاڎیمیاو ژنۊلۊژی، کە جە شاروو سلێمانیینە تیرۊرە کریا، بە پۊستەری گەورە وەرڎەموو ڕاپیماکەینە بەرزۍ کریێبێنێوە.

وەرڎەموو کەنیسۍ مەنتێقەکەینە و جە مەیڎانوو سانت لۊرانتینە، مۊمۍ گیسیێنە و یاڎوو ئا شۊڕشگێڵنا کریاوە، کە کۊکوشۍ کریێبێنۍ. چا بە نامۍ "ئەنجوومەنوو ژناو لاژین"یوە، ئەرەیاونایۍ بە زوانی فەڕەنسی ونیاوە. دماو وانیۊ دەقوو ئەرەیاوناکەی، جەماوەر ڕووەشا کەرڎە بیناو دلێنەو گلێرگەو دیموکراتیکوو کورڎی جە لۊزاننە تا ئارۊ جا دلێنەوە بە ئۊترۊمبێل بەرەو پاریس گنا ڕا و بەشڎاری جە ڕاپیماکەو پاریسینە کەرا.