جە وەرکەوتو کوردستانی وێرانکەردەی دارستانەکان بەردەوامەن و جەئی چوار چوەنە جە بەرزاییەکێ سورێنێ سەر بە مەریوانی مافیاکێ داربڕیەی دەیان دار بەلوێشان بڕیێوە. دار بەلوەکێ کە تەمەنشان زیاتەر دەیان ساڵانەن، بە هەڕە (مشار)ی کارەبایی بڕیێنێوە.
ئی دیاردە دزێوە و دژە ژیوگە نامۆن و بێگانەن بە گلێرگەو کوردەواری و مافیا وێرانکەرەکێ دارستانەکا و ژیوگەی ئیێرە پەشتیشەوە. باس جە ئانەی مەکریۆن کە کاربەدەستێ هەرێمیێ دەوڵەتی جە ناوچەکانە هامکاری و ئاسانکاری پەی تاقمە مافیاکان مەکەرانێ و ئاڎێچێ دارەکان مەورەشانێوە و یاخو مەکەرانێشان بەخەڵوز و بازارەکانە ساخش مەکەرانێوە.
مەریوانیەکێ نیگەرانێنێ جە داربڕیەکەی و وێرانکەردەی ژیوگەی و وازیارێنێ هاموڵاتیێ ناوچەکەی زیاتەر هەوڵ پەی پارێزنای دارستانەکان و ژیوگەی بڎانێ و ڕا نەڎانێ تاقمە مافیاکێ و کەسانێ بەرژەوەندیوازێ ژیوگەی وێران بکەرانێ و قڕ بوزانێنە دارستانەکان.