ئەنجوومەنوو خانەواڎەو شەھیڎا جە مەزارگەو شەھیڎاو دیجلەی جە پانیشتوو کۊبانۍ، جە کۊڼفرانسێوە ڕۊنامەوانینە، سەرنجەش وستە سەروو تاوانەکاو جەنگوو دۊڵەتوو ترکیەې جە دژوو مرۊڤاېەتی، کە بە چەکی کیمیاۋی کەرڎێنێش، بێڎەنگیی ڕێکوزېاو "ئۊ پې سې دەبلیۊ"یچ شەرمەسار کرېا
جە شاروو کۊبانێ وەرنیشتوو کورڎسانینە، جە کۊڼفرانسێوې ڕۊنامە وانینە ھجوومەکۍ دۊڵەتوو ترکیەې ئەرەگیری بە چەکی کیمیاۋی و چەکی قەڎەغەکرېا، جە مەېڎانەکاو مڎرامانوو گەرېلاېنە و ھەرپاسە بێڎەنگیی ڕێکوزېاو وەرگیری جە بەکارئارڎەی چەکی کیمیاۋی (ئۊ پې سې دەبلیو)ی شەرمەسار کرېا.
کۊڼفرانسە ڕۊنامەوانییەکە جە مەزارگەو دېجلەی جە شاروو کۊبانۍ ساز کرېا، ئەنڎاموو وێڕاوەبەریی ئەکاڎیمیاو شەھیڎ "ئەمگیھان جوودی" و ئەنجوومەنوو خاڼەواڎەو شەھیڎا "ڕۊناھی ئەحمەڎ" ئەرەیاوناکەیش وەناوە و واتش: ئێمە پێسە خانەواڎەو شەھیڎاو کانتۊنوو فراتی بە مەڵامەتوو شەھیڎبییەو (١١) گەریلاېاوە، کە بە چەکی کیمیاۋی شەھیڎۍ بیێنۍ جە کەشەکاو کورڎسانینە، ویرشا مارمێوە و سەروەشی جە خێزانوو خانەواڎەو شەھیڎا کەرمۍ.
جە ئەرەیاوناکەینە سەرنجە وزېا سەروو بێڎەنگیی ڕێکوزېاو "ئۊ پې سې دەبلیو"ی کە لاېەنێوە پەیوەنڎیڎارا بە وەرگێریی جە بەکارئارڎەی چەکې کیمیاۋې .
جە ئەرەیاوناکەینە سەرنجە وزېا سەروو بێڎەنگیی دنێی جە وەرانوەروو کورڎانە و واتشا؛ تا دماېې ژېوایما خۊتانکەرڎەی جە شەھیڎاما کەرمۍ، چنڎە ئێشیچ چەشمۍ حەر درێژە بە ڕاو زارۊڵەکاما مڎەیمۍ.
جە کۊڼفرانسە ڕۊنامەوانییەکەنە ېاڎوو شەھیڎەکاو کۊکوشییەکەو پاریسی و ڕەقای و ڕۊبۊسکې کرېاوە.
ھ.ئ
