هەپەگە ئەرەیاۋناش، "مدرامان و چالاکی گەریلاکا ئازاڎیی کوردسانی سەرەمڕە بەردەوامېنۍ. دژوو سوپاو ئەرەگیری گرڎ ڕووۍ بە دەیان چالاکیۍ ئەنجام مڎریا و ژمارېوە فرە ئەرەگیرۍ سزادریۍ. پی جۊرە پێرفۆرمانسێوە جەنگی جە ئاستۍ بەرزەنە نیشانەدریا. بەڵام سوپاو تورکی ئەرەگیری زەرەرە گیانیەکاش ئاشکرا مەکەرۊ، بە حیچ جۆرێوە جە یاۋنەریەکاشەنە ۋەڵاش مەکەرۊوە و دلۍ ڕای گرڎینەو تورکیاینە بەردەوام بابەتی جیاجیا جە رۆژەڤەنە مازۊوە و حۊڵ مڎۊ کاریگەری ئا جەنگەیە شارۊوە. هێزەکېما جە سەرنیشتوو کوردسانی ئا دروا میدیاو جەنگی تایبەتی تورکی بە چالاکی هەماهەنگی گەریلایی ئەنجامگیر، پوچ کەراوە. تیمەکۍ گەریلای پسپۆڕی جە سەرحەد جە یەرۍ قۆڵېوە چالاکیشا کەرڎ، ژمارېوە فرە تاکتیکشا بەکارئارڎ و بە بێ ئانەی حیچ زەرەرەېشا ۋەرگنۊ گورزەی قورسەسا جە ئەرەگیرا شانا. سوپاو تورکی ئەرەگیری زەرەرەکېش چا بە تەمامی شارتېنېوە. جە سەرنیشتوو کوردسانی و هەرێمەکا پارېزنای مەدیای جە چالاکییەکانە ١٠ ئەرەگیرۍ بە سزا یاۋېنۍ، ئەرەگیرېوەیچ زامڎاربی. حەرپاسە محاویلېوە کارەبای و کامێرېوە حەراری دلېنە بریۍ، گورزە جە ترۊمبېلېوە زرێپۆشی جە جۆروو کیربی و شش سەنگەرا شنیا. سوپاو تورکی کە بە چالاکی بەقوەتوو گەریلاکاما گورزەی گەورەېش ۋەرکەوت، سەنگەرەکۍ مدرامانیش بە بۆمبی قەڎەغەکریا بۆردومان کەردۍ و تاوانەو جەنگیش ئەنجامدا".

ناوەنڎوو ئەرەیاۋناو و چاپەمەنی هەپەگەی سەبارەڎ پا مژارا ئی زانیاریېشە ۋەڵۍ کەرڎۍ:

"جە هەرێموو سەرحەدی؛

جە ١٤و تشرینی یۋەمی جە هەرێموو سەرحەدی دژوو ئەرەگیرا چالاکیېوە هەماهەنگ ئەنجامدریا. سەعات ٠٨:٤٥ دەیەقۍ ترۊمبېلېوە جۆروو کیرپی کە جە بنکەو ساریخرۆی ئۍ بەرۊ و یاگە فاڕای بە ئەرەگیرا دلۍ بنکەکا چەمڎارینە کەرۍ، بە تاکتیکی سابۆتاژ گورزەشا ۋنە شنیا. جە یەرۍ قۊڵېوە و جە یەک وەختەنە دریاش ۋنە. قۆڵی یۋەم بە چڕی جە ئەرەگیراش دا و ناستش ئەرەگیرەکۍ دەسوەردای جە یاگۍ چالاکیەکەینە کەرا. قۊڵی دووەم چالاکیەکە جە نزیکۊ چا ئەرەگیراشە دا کە گەرەکشابۍ دەسوەردای جە مېڎانوو چالاکیەکەینە کەرا و جە ئاکامەنە ٤ ئەرەگیرۍ سزادریۍ. قۊڵی یەرەم چالاکیەکە بە نیشانەماڕۍ جە ئەرەگیراو تاوەرێوە چەمڎاری شانا و ئەرەگیرېوە سزادریا. دماو چالاکیەکەی ئەرەگیرەکۍ بە هەلیکۆپتەر، ترۊمبېلی زرێپۆش کوشیاو  زامڎارەکېشا فاڕېوە. چا چالاکیەنە ٥ ئەرەگیرۍ سزادریۍ، محاویلېوە کارەبای و کامێرېوە چەمڎاری حەراری دلېنە بریۍ، گورزە جە ترۊمبېلېوە زرێپۆشی جە جۆروو کیرپی شنیا.

جە هەرێموو گەشمەرڎە دەلیلوو ۋەرنیشتوو زاپی؛

١٥و تشرینی یۋەمی سەعات ٠٩:٠٠، ١٠:٠٠، ١٢:٠٠ و ١٩:٤٥ دەیەقۍ جە مېڎانوو مدرامانوو کەش و جودی بە چەکی قورس ٣ جارۍ جە ئەرەگیرا دریا. گورزە جە ٣ سەنگەرا شنیا و جموجوڵ و ئەرەگیرا مرڎا. چالاکیەکە جە لایەن و هێزەکا یەژاستاریماوە کریا.

١٥و تشرینی یۋەمی سەعات ٠٩:٤٥ جە مېڎانوو مدرامانوو کەش و جودی بە نیشانەماڕۍ جە ئەرەگیرا دریا. جە ئاکامەنە ئەرەگیرۍ سزادریا، ئەرەگیرېوەیچ زامڎاربی.

١٤و تشرینی یۋەمی سەعات ١٩:٠٥ جە مېڎانوو مدرامانوو کەش و ئامێدی بە چەکی قورس گورزە جە سەنگەرێوە ئەرەگیرا شنیا.

١٥و تشرینی یۋەمی سەعات ١٢:٣٥ و ١٥:٣٠ جە مېڎانوو مدرامانوو کەش و ئامێدی بە چەکی نیم ئۆتۆماتیک جە ئەرەگیرا دریا.

١٥و تشرینی یۋەمی سەعات ١٦:٤٥ جە مېڎانوو مدرامانوو کەش و ئامێدی بە نیشانەماڕۍ جە ئەرەگیرا دریا. چا چالاکیەنە ٤ ئەرەگیرۍ سزادریۍ، ئەرەگیرەکۍ تائاستێوە کیشیېوە.

١٥و تشرینی یۋەمی جە مېڎانوو مدرامانوو کەش و ئامێدی بە چەکی قورس جە ئەرەگیرا دریا.

جە هەرێموو مەتینای؛

١٥و تشرینی یۋەمی سەعات ١٤:٠٠ و ١٦:١٥ دەیەقۍ جە مېڎانوو مدرامانوو کەش و ئۆرتێ بە چەکی قورس گورزە جە دووۍ سەنگەرۍ ئەرەگیرا شنیا.

هجومەکۍ سوپاو تورکی ئەرەگیری بە گازی کیمیاۋیی، تەقەمەنی قەڎەغەکریای و فرۆکەی بێفرۆکەوانی؛

١٥و تشرینی یۋەمی جە مېڎانوو مدرامانوو کەش و ئۆرتێی مەتینای سەنگەرەکۍ جەنگی ٣٨ جارۍ بە تەقەمەنی بۆردومان کریۍ. ٣ چا تەقەمەنیا دووکەڵەکەشا رەنگەش چەرمۍ بۍ، ٨ جە تەقەمەنیەکا قەڎەغەکریېبێنۍ، کە تەقایۊ فرە گەورەشا وەش کەرڎەن.

١٥و تشرینی یۋەمی جە هەرێموو مەتینای سەنگەرەکۍ جەنگی جە مېڎانوو مدرامانوو کەش و چارچەلی ٤ جارۍ بە فڕۆکەی بێفرۆکەوان و ٢ جارېچ بە تەقەمەنی قەڎەغەکریا بۆردومان کریۍ.

١٥و تشرینی یۋەمی جە هەرێموو گەشمەرڎە دەلیلوو ۋەرنیشتوو زاپی سەنگەرەکۍ جەنگی جە مېڎانوو مدرامانوو کەش و ئامێدی و کەش و جودی ٥ جارۍ بە فڕۆکەی بێفڕۆکەوان بۆردومان کریۍ.

هجومەکۍ سوپاو تورکی ئەرەگیری؛

١٥و تشرینی یۋەمی هەرێمەکۍ زاپی، گەشمەرڎە دەلیلوو ۋەرنیشتوو زاپی و مەتینای بە هەلیکۆپتەری هجومکەر بۆردومان کریۍ.

هەرێمەکۍ زاپی، گەشمەرڎە دەلیلوو ۋەرنیشتوو زاپی و مەتینای تۆپبۋاران کریۍ".