جە ئەسکەندەرون دەس کریان بە ھەرمانەو ئەشناسیایۊ جەنازەو قوربانیا بومەلەرزەکەی
جە ئەسکەندەرون دەس کریان بە ھەرمانەو ئەشناسیایۊ ئا کەسا، کە جە بومەلەرزەکەنە گېانشا جە دەسدان و جە ٧ زیارەتگۍ مەنتېقەو ئەسکەندەرونیەنە ئەسپەردە بە خاکی کریێنۍ.
جە مەنتېقەو ئەسکەندەرونو پارێزگاو ھاتای، دماو تەمام بیەو ھەرمانەو گێڵای و نەجاڎدای، بێستا دەسکریان بە ھەرمانەو لابەردەو دارو پەردووەکا. بەپاو ئا زانېاریا کە جە ئەسکەندەرونېۊ یاۋێنۍ دەسما، زیاڎ جە ٤ ھەزار کەسا چا مەنتېقەنە گېانشا جە دەسدان.
ۋەرپەرسا دۊڵەتی جە ٧ زیارەتگۍ جېاجېاو مەنتېقەکەینە خێمێشا ھوردێنۍ و ھەرمانەو وشکنای و ئەشناسېایۊ پۍ ئا کەسا مکەرا، کە گیانشا جە دەسدان. دماو ئانەی کە ناسنامەو جەنازەکا دەسنېشانکریا، جە زیارەتگاو چانکایای بە خاک مسپاریا.
ھ.ش
