جە ئېتالېا بە بەقوەتی چالاکېەکۍ کۊکەرڎەیۊ ھامکاری پۍ ۋنەقۊمیایا بومەلەرزەکەی ۋەردەوامێنۍ
چالاکېەکۍ کۊکەرڎەیۊ ھامکاری پۍ ۋنەقۊمیایا بومەلەرزەکەی جە فرەو شارەکاو ئېتالیای بە ئېھتېمامو پێشۋازیۍ فرەو ھامۋڵاتېاۋە ۋەردەوامێنۍ.
چالاکیی کۊکەرڎەیۊ ھامکاری جە شارەکاو ئېتالیای پۍ ھامکاری کەرڎەو ۋنەقۊمېایا بومەلەرزەکەو کورڎسانی بە بە شداریۍ بەقوەتو ھامۋڵاتېاو ڕێکوزیاکا ۋەردەواما.
دەیان ڕێکوزېۍ دیموکراتېکۍ و سەندېاکاو ڕێکخراوو یەکێتی و کۊمەڵە جەماوەریەکۍ بەشڎارێنۍ جە چالاکی کۊکەرڎەیۋ ھامکاری جەشارەکا " مېلان ، بۊڵۊنا ، پارما ، سانت ئېلاریۊ ، ئېنزای" جە ئېتالیا.
کاول بیەو ئا مەنتېقا کە بومەلەرزەکەی لەرنێنێۋە ئاژەو مرۊیی ئا مەنتېقا بە فراوانی باسکریان و ئانە ڕۊشن بیەنۊ، کە دۊڵەتو ترکی ۋەرپەرسا جە گېان جە دەسداو دەیان ھەزار کەسانە.
جە ئېتالېا کە ھەڵمەتەکۍ کۊکەرڎەیۊ ھامکاری ڕۊ بە ڕۊ پەرە مساناو ھامکاریەکۍ جە ڕاو مانگەو سورو کورڎسانیۊ جە ئېتالیا ڕەۋانەو مەنتېقەکا کریا و ڕاسەوخۊ دریا بە زەرەر ۋنەکۊتا بومەلەرزەکەی.
ڕێکوزیاو تۊڕەو پەشتېۋانی کورڎسانی، کە چالاکېەکا ڕێک وزا، بەنامۍ گرڎو پێکھاتەکاۋە سڵامو سوپاسش چا خەڵکا کەرڎ کە جە ھەڵمەتەکەنە بەشداریشا کەرڎەن و داواشا کەرڎ، کە گەل جە کەمپەینەکەشانە ھامکاریەکا پۍ ۋنە قۊمېایا فرەتەر کەرانۍ.
ھ.ش
