جە ٤٤مین ساڵیادو ئەرەمەرزناو پەکەکە-ینە، گەریلایەکۍ ئازادی جە زاپ، مەتینا و جوودی ئۆپەراسیۆنی شۆڕگەری و چالاکیێشان ئەنجامۍ دۍ و جە ئاکامشانە دەیان سەربازۍ تورکۍ و جەردەۋانۍ ئەرەگێرۍ سوپاو تورکی کوشیێنۍ و تەرمۍ ١٧یشان ڕەوانۍ جۆلەمێرگی کریێنۍ.
ئارۊ ٢٧/١١/٢٠٢٢، ٤٤مین ساڵیادو ئەرەمەرزنای پارتو کارگەرانو کوردستانی (پەکەکە)یەن. پەی پیرۆزکەردەی ئا ساڵیادەیە، گەریلایەکۍ ئازادی جە هەرێمەکۍ (زاپ، مەتینا و جوودی) سەر بە هەرێمەکانو پارێزناو مەدیای، ئۆپەراسیۆنی شۆڕگەری و چالاکیێشان ئەنجامۍ دێنێۋە؟و جە میانشانە گورزی فرە قورس جە دوژمنی ئەرەگێری و سوپاکەیش دریانەۋە.
جە مەتینا-ۋە، رۆچنامەۋان کاوە تۆلهەڵدان، زانیاریش دان و ئاشکراش کەردەن: جە ڕۊدیار ٢٦/١١/٢٠٢٢ی، جە قولەو شەهیدانی سەر بە بەرزایی هەکاری، گەریلایەکۍ هێزەکانو پارێزناو گەلی (هەپەگە) و یەکینەکۍ ژەنۍ ئازادیی (یەژاستار)، ئۆپەراسیۆنی شۆڕشگەری و تۆڵەکەردەیشان دژ بە سوپا ئەرەگێرەکەو تورکیای ئەنجامدان. جە ئۆپەراسیۆنەکەنە دۋۍ پایەگایۍ لەشکریۍ سوپاو تورکی جە مەیدانەکۍ شەهید ئاکیف-ی و شەهید زەمانۍ بەقورسی ۋنەشان دریان و بە؟تەمامەتی خاپوورۍ کریێنۍ و ژمارێۋی فرۍ سەربازۍ ئەرەگێرۍ کوشیێنۍ. هامزەمان گەریلا دەستشان گێرتەن سەرو بڕێۋی فرە جە چەک، تەقەمەنی و تفاقی سەربازییەرە. ئا چەک، تەقەمەنی و تفاقە سەرربازییە کە گەریلاکان نەتاۋانشان چەنی وێشاشان ببەرانێش، سۊچنانشان.
رۆچنامەۋان کاوە تۆلهەڵدان واتەنش: بڕیارەن جەزووتەرین وەختەنە، میانگەو یاۋنەری و چاپەمەنی هەپەگە-ی، وردەکاری ئۆپەراسیۆنەکەی و زیانەکۍ دوژمنی، ۋڵاۋۍ بکەرۆنەۋە.
هاموەخت جە هەرێمو زاپ-ی، گەریلایەکۍ ئازادی کوردستانی، چالاکی تۆڵەئەسانایشان دژ بە دوژمنی ئەنجادان و جە میانشەنە لانی کەم ١٠ سەرنگەرۍ سوپاو تورکی خاپورۍ کریێنۍ سەرو سەربازەکانشارە و دەیانشان کوشیێنۍ و بریندارۍ بیێنۍ و تەرمۍ ١٧ جە کوشیایەکان بریێنۍ نەوەشخانەکانو شارو جۆلەمێرگ-ی.
جە دمای ئانەیە کە ئا گورز و زیانە قورسەشان ۋنە دریا، دوژمنی ئەرەگێر نەتاواش زیانەکانشان بشارانێۋە و بەنامۍ وەزارەتو ۋەرگیری تورکیای ۋەڵاوش کەردەۋە: جە ڕۊدیارو ٢٥ و ٢٦ ئی مانگۍ جە چالاکی گەریلاکانە ٥ سەربازێشان کوشیێنۍ و ٣ جەردەۋانۍ بە هەورە ترێشقە بریندارۍ بیێنۍ و یۆ جە جەردەۋانەکان برینش سەخت بییەن و مەردەن.
سەبارەت بە هەمان ئاژەی، ئاژانسو هەۋاڵو میزۆپۆتامیا-ی هەۋالێۋش ۋەڵاوکەردەنەوە و جە میانشەنە ئاشکراش کەردەن: ١٧ تەرمۍ سەربازە کوشیاکان بریێنۍ نەوەشخانەکانو جۆلەمێرگ-ی و ناوچەکانو سیڤێ، چەلێ و شەمزینان-ی. و ژمارێۋ تەرمۍ تەرۍ بە باڵەپڕ ڕەوانۍ شارە جیا جیاکانو تورکیای کریێنێۋە. ئاژانسەکە ئاشکراش کەردەن: ٣ جەردەۋانەکە جە جەنگەنە بریندارۍ بیێنۍ نە بە هەورە تریشقە.
هەمان ئاژانش باسش جە ئانەی کەردەن: ١١ سەربازۍ و جەردەۋانێچ بریندارۍ بینۍ و ڕەوانۍ هەمان نەوشخانا کریێنۍ. ٣ سەربازۍ و جەردەۋانێچ بە برینداری بریێنۍ نەوەشخانەو فێرکاری شارو وان-ی.
میزۆپۆتامیا دەستنیشانش کەردەن: بە فەرمانو فەرمانەکانو سوپاو تورکی، مۆبایلۍ سەرباز و جەندرمە بریندارەکان دەست گیریان سەرشارە.
