جمېیەرو نوجەبای ئەرەیاۋناش، ژوورێوە ئۆپراسیۆنو تورکیا، بەریتانیای، هەواڵگریی ناتۆ و ئیسرائیلی ئاژەو سووریایشا شێونا، ئاگاڎیچش دا، ئا ژوورە جە دلېینەو عێراقینە هەرمانە سەرو شێونای عێراقیچ مکەرۆ.
جمېیەرونوجەبای، کە یۆن جە گروپەکا دلۍ مەقاوەمەی ئیسلامی جە عێراقەنە، ئەرەیاۋنێوەش جە بارەو ئەگەرو تێکشیەی ئاژەو عێراقی جە لایەنو ژوورو ئۆپەراسیۆنی تورکی و چن وڵاتێوە تەریۆ وەڵاکەرڎۆ.
جە ئەرەیاۋناکەو ئا جمېیەرەینە ئامان، ئانەی جە سووریانە ڕووەشدا خۆڕسکانە نەبۍ، بەڵکم ژوورێوە ئۆپەراسیۆنی تورکیش پەی تەرخان کریا، بە پیلانەو بەریتانیای و هەواڵگریی ناتۆی و ئیسرائیلی، ئا زانیاریۍ جە ڕاو درۆنی و مانگەی دەسکردیوە سەرو جوڵە و شۊنەکا سوپاو سوریای کوۍ کەردێوە ئاسانکاریشا پەی سەروستەو پیلانەکۍ کەرد.
ئاماژەشا پانەیچ دا، ئا ژوورە بە سەرکردایەتی بەریتانیای هەرمانە مکەرۆ پەی شێونای عێراقیچ بەڵام ئیجارە جە بەغڎاوە نەک جبەرو سنوورەکانە.
جەختیچش کەردۆ، گرنگیێوە فرە دریان بە سنوورەکا بەڵام پیلانگێڵنییە حەقەتینەکە ئینا دلېینەنە و پەنەوازا ناوچەکا مېیامینی و پانیشتی و ۋەرنیشتی و سەرنیشتی جە یاڎ نەکریا.
