جەنازەو ڕۊنامەوان سالازی، کە ١٤و تشرینوو یوەمینە بە نەوەشی جە خەسەخانەو سلێمانیینە کۊچش کەرڎەبۍ، واننە ئەسپەرڎە کریا.

جەنازەکە سەرسەعب یاونییا شارەکە و فاڕیاوە پەی مزگیی بۊیالاری.

هامسەرۊکوو کۊمەڵەو ڕۊنامەواناو دیجلە فورات (دەفەگە)ی سەرڎار ئاتڵان، نوێنەراو پارتوو یەکسانی و دیموکراسیی گەلا (هەدەپ)، پارتوو هەرێمە دیموکراتیکەکا (دەبەپە)، توهای-دەر، مەبیا-دەر، کەسک و ڕێکوزیا مەدەنی و ڕۊنامەوانییەکۍ بەشدارییشا جە مەراسیموو خێرامای جەنازەکەینە کەرڎ.  

دماو نماو نیمەڕۊی، نماو مەرڎەیش سەرۊ کریا و دماتەر بریا پەی قەبرسانوو ئاککوپروی توشبای سەر بە وانی. پۊلیسەکۍ کە چوارڎەوروو قەبرسانەکەیشا دابۍ، جگە جە ئەنداماو خێزانەکەیش  ڕاشا بە کەسی تەری نەدا بلا قەبرسانەکە و ناڕەزایەتی و کارڎایۊ جەماوەریش چەنە کەوتۊ.  

جەنازەکە ٣٠ کەسا جە ئەنداماو بنەیانەو سالازی ئەسپەرڎە کەرڎ و جەماوەرەکە بەرەو هۊڵوو پەرسەکاو مزگیی هایرەتیەی کۊنی کەوتۍ لوۍ، کە چاگە دوۍ ڕوۍ پەرسەش پەی منیا.