هێزەکێ ئیسرائیلی دما و هرووژمە موشەکییەکا ئێرانی، زەنگی ئاگادارکەردەیۆش دا. پلەدارێوە سەروازی ئەرەیاوناش، نزیکەو ١٠ موشەکیێ بالیستیکێ جە ئێرانۆ ئامێنی و فرەیشا پووچەڵکریێنێ.

موشەکە بالیستیکیەکێ                            

بەپاو  تەلەفیزیۆنی ڕەسمی دۆڵەتو ئێرانی، سوپاو پاسدارا ئەرەیاونانشا، موشەکی بالیستیکو هایپەرسۆنیکو فەتاح-١ـیشا جە هرووژمەکانە بەکارئاردەن. ئیسرائیل ئاماژەش پانەی کەردەن، سەر سەعبو ئارۆی هرووژمش کەردەن  سەر و تارانی.

ئێران تاوەکو ئیسە نزیکەو ٤٠٠ موشەکێ بالیستیکیش شانێنێ

بە پا و داتاکا سوپاو ئیسرائیلی، جە دەسپێکو هرووژمە سەروازییەکا ئیسرائیلی ئێران نزیکەو ٤٠٠ موشەکی بالیستیکیش پەی ئیسرائیلی شانێنێ. فرەی موشەکەکا پووچەڵێ کریێنێ، بەڵام بەشێشا زەرەری ماددی و زامڏارش چنە کەوتەنۆ.

هرانا: بەلایەنی کەمۆ ٥٨٥ کەسێ ئێرانەنە کوشیێنێ

ڕێکوزیا و مافس مرۆڤس ئێرانی (هرانا) کە بارەگاکەش ئینا واشتنۆنەنە، بانگەشەو ئانەیش کەرد کە جە دەسپێکو ئۆپەراسییۆنەکا ئیسرائیلی چێر و نامێ (ئەرەپڕا و شێر)، ی جە ئێرانەنە لانیکەم ٥٨٥ کەسێ کوشیێنێ. دلێ قوربانییەکانە ٢٣٩ مەدەنیت و ١٢٦ ئەندامێ هێزە ئەمنییەکا هەنێ. ژمارەو زامڏارەکایش یاوان ١٣٢٦ کەسێ.

هەڕەشێ ناتانیاهۆ جە 'خامنەیی'ی

بنیامین ناتانیاهۆ، سەرۆکوەزیرانو ئیسرائیلی ڕۆو یەرەشەمەی ئەرەیاونابێش، کوشتە و ڕابەرو ئایینی عەلی خامنەیی 'دمای بە جەنگی مارۆنە' و داواش جە ئێرانییەکا کەرد کە هەڵوێسشا بۆنە. سەرۆککۆمارو فەڕەنسای ئیمانوێڵ ماکرۆنیش ئەرەیاوناش کە 'فاڕاو  ڕژێم' ی ئێرانەنە بەماناو ئاژاوێ و وەش بییە و قەیرانی مێ.

مییانو  هورگێرتە و چەکی و پیتاندنی یۆرانیۆم بۆمبواران کریانە

ئەرەیاوناکەینە سەرسەعبو ئارۆی سوپاو ئیسرائیلی ئامان کە مییانو پیتنا و یۆرانیۆمی و هورگێرتە و چەکی بۆمبواران بکەرۆ. بە پاو  ئەرەیاوناکەی، چی هرووژمەنە زیاتەر جە ٥٠ فڕۆکێ بەکارئامێنێ.

هرووژم کریا سەر و کۆلێژو سوپاو پاسدارا

هێزە ئاسمانییەکا ئیسرائیلی وێرەگا و یەرەشەمەی بارەگاو ئیمام حسێنیشا بۆمبواران کەرد کە گنۆنە سەرنیشتوو وەرکەوتوو تارانی. جا مییانە سەروازییەنە بەشێوە فیزیکو ئەتۆمی و وانینگە و ئەفسەرا سوپاو پاسداراش ئینا چنە. بە پاو ڕاپۆرتێوە ساڵە و ٢٠٠٨ـی UAEA جە کۆلێژەکەنە 'مییانو  ئەوەکۆڵییای فیزیکیش' هەن، کە بە بەرهەمئاردە و ئەتۆمی و بییە و تاقیگەو چێرو زەمینیش ئینا چنە تۆمەتبار کریانە. ئی ئەرەمەزیا پەی بەرنامەو ئەتۆمی ئێرانی بە سەرچەمێوە گرنگو مرۆیی نریۆرە.

خامنەیی: ڕەحمشا پنە مەکەرمێ

ئایەتوڵڵا خامنەیی سەر و تۆڕە و کۆمەڵایەتی ئێکسی ئەرەیاوناش، "پەنەوازا بە تنی ڕووبەڕوو ڕژێمو تیرۆسی سەهیۆنی بیمه. ڕەحم بە سەهیۆنییەکا مەکەرمێ."

ئەنجوومەنو ئاساییشو مییاندوڵەتیی ئەمریکای گلێربییۆ

نوێنەرو کۆشکو سپی ئەرەیاوناش، دۆناڵد ترەمپ دەربارە بە جەنگو ئیسرائیلی و ئێرانی گلێرۆبییەیش بە ئەنجوومەنو ئاساییشو نەتەوەیی کەردەن. بەرپرسێوە باڵا کە نامێ وێش ئاشکرا نەکەردەن ئەرەیاوناش، گلێرۆبییە و 'ژووری بارودۆخ' ئەنجامدریان کە ژوورێوە بەناوبانگو کۆشکو سپییا تایبەت بە کێشەکا. گلێرۆبییرکەی ماوەو سەعاتێوە و ٢٠ دەقێ بەردەوام بێ.

گرڏ و ڕا و ئەڵتەرناتیڤەکێ ئینێ سەر و مێزە وگفتوگۆیۆ

وەرپرسەکێ ئاماژەشا پانەی کەرد، دۆناڵد ترەمپ گرڏ و ئەڵتەرناتیڤە گریمانەییەکا هورسەنگنۆنە و ئەرەیاوناشا کە ئینجارە واشنتۆن بەشدارییش جە هرووژمەکا ئیسرائیلینە نەکەردەن.

ڕەنگە ئەمریکا جە دژو مییانو ئەتۆمیی فۆردۆس ئێرانی کە بۆمبوارانەکا ئیسرائیلی نەتاوانشا پنەش یاوا، بۆمبی ئەنتی-بونکەری بەهێزو ئەمریکی بەکاربارۆنە.

سەرۆکو نەتەوە یۆگێرتەکا ڕۆو یەرەشەمەی ئاشکراش کەرد کە گەرەکشا ئێران بەبێ هیچ مەرجێوە وێش دۆ دەسۆ و 'جەئیسەنە گەرەکش نییا باڵاترین ڕابەرو ئێرانی کوشۆنە'.

ئەمریکا فڕۆکەی جەنگی گیانۆنە

ئەمریکا ئەرەیاوناش، 'سیستمو پارێزنای' وەرکەوتوو دلێڕاسەی بەهێزتەر مکەرۆ.

جە ڕۆنامەو نیو یۆرک تایمز-نە ئامان، دۆناڵد ترەمپ ڕەنگە فڕۆکەو ورگێرتەو سوتەمەنی گیانۆنە تاوەکو فڕۆکە جەنگییەکێ ئیسرائیلی درێژە بە ئەرکەکاشا دانە.