گەنجاو کوردسانی جە شارو بیلێفیڵدو ئەڵمانیاینە گلێرێ ببیێوە و ڕاپیمای درێششا دەسپنەکەرد.

ڕاپیماکەی بە جۆشوخۆرشێوە فرەو جوانا و بە بەشداری جوانا ئەنتەرناسیۆناڵی جە چوارچێوەو هەڵمەتەو "ئازادی پەی عەبدوڵا ئۆجالانی، چارەسەری سیاسی پەی پەرسو کوردی' ئەنجام مدریۆ.

چالاکیەکەنە ئەرەیاویێوە ونیاوە و ئاماژە بە گۆشەگیری قورسو ئیمراڵی کریا و ئانە دەستنیشانکریا کە ماوەو ٤٢ مانگان حیچ زانیاریێوە جە ڕابەرو گەلو کوردی عەبدوڵا ئۆجالانیۆ هورنەگیریان و پەیامو 'ئازادی ڕابەر ئاپۆی بە  مدرامای مێ ئاراوە' دریا.

جە ڕاپیماکەینە ئەندامو تەڤگەرو جوانا شۆڕشگێڵی (تەجەشە) فەرهاد مێردین قسێش کەردۍ و ئاماژەش پانەیە دا ئەرەکۆشای تەڤگەرو ئازادی ڕا جە ئامانجو هێزەکا سەرمایەداری مگێرۆ.

'مدرامانو ژەنێ ئازادی جەستەیی ڕابەر ئاپۆی مسۆگەر مکەرۆ'

بە نامێ جوانە ژەنا کۆششکاراوە (تەکۆژن)یۆ، ژیان کرماشانیە ئەرەیاونێوەش بە زوانو ئەڵمانی واناوە و ئاماژەش پانەیە کەرد کە مدرامانو ژەنێ ئازادی جەستەی ڕابەرو گەلو کوردی عەبدوڵا ئۆجالانی مسۆگەر مکەرۆ و واتش: "ئازادی گەلو کوردی و گەلا هەرێمەکەی وابەستەو ئازادی ڕابەر ئاپۆین. گۆشەگیری قەرارێ سیاسیا. هەرپۆکەی ئەرەمەزییەکێ مافو ئینسانی، سی پی تی، ئەنجومەنو ئەوروپای... بە بێدەنگبیەیشا هامبەشۍ تاوانەو گۆشەگیرینۍ و ۋەرپەرسێنۍ جە بەردەوام بییەی گۆشەگیری."

جوانا تا شارو دویسبۆرگی بەردەوامی مڎا بەڕاپیماکەیشا.