دوای ئانەیە بە کودەتاو قەیومی، دەسەڵاتداریی فاشیستیی ئاکەپە-مەهەپەی دەسش ملوو شارەوانیی جولەمێرگیرە گێرت و هامسەرۆکوو شارەوانیی جولەمێرگی محمد سدیق ئاکشییش گێرت. دژوو نیایرەی قەیوم، بە سەرمەشقایەتیی چندین پارتە سیاسییا و ڕێکوزیایەکاو گلێرگەی مەدەنی چالاکیشا کەرد.

هامسەرۆکی گردینوو پارتی دیموکراسی و یەکسانیی خەڵک (دەم پارتی)ی تولای حاتەم ئۆغۆللاری، هامسەرۆکی گردینوو پارتوو هەرێمە دیموکراتیکەکا (دەبەپە) چیدەم کلیچگون ئوچارە و کەسکین بایندر، پێکئامایەکاو هامپەیمانیی ڕەنج و ئازادی، شاندوو پارتی خەڵکوو کۆماری (جەهەپە) و چندین ڕێکوزیێ گلێرگەی مەدەنی بەشدارێ چالاکیەکەی بێنێ.

دماو وانایەو ئەرەیاونایەکا، چەمەڕا مکریۆ کۆبییەیوەی خەڵکی بەرەو بیناو شارەوانی بلۆ، کە گیریێنە.