کۆمیتەو ڕاوەبەریی جمیەری شۆڕشگێڵنی یۆگێرتەو گەلا (هەبەدە) ئەرەیاونایوەش وەڵا کەردۆ و واتش: "دماو ورچنیەیە دلێیەکاو ٣١و ئاداری، کە فاشیزموو ئاکەپە-مەهەپەی گورزێوی قورسش وەرکەوت، هجوومەکێ سەرەمڕ هەنێ، هیچ چێوێ جە مەنتق و هەرمانەو فاشیزمی نەفاڕیان، بە شێوێوی ڕۆشن فشار و چەوسیایوەکاو فاشیزموو ئاکەپە-مەهەپەی بە واتەی 'نەرمبییەیوە' هەوڵێ مدۆ سیاسەتەکاو باڵادەسیی جەنگی شەڕ ڕەوایەتیی پەنە بدۆ."

درێژەو ئەرەیاونایەکەینە ئامان، "سەرەوردای وانی، ئەرەپڕای گەلا مەیدانەکاو نەورۆزینە و ١و ئایارینە، مدرامانوو زیندانییەکا نیشانێ ئانەیەنە، کە گەلاو تورکیای و کوردستانی وەراوەروو هجوومەکاو حکوومەتی فاشیستیوە تەسلیمێ نمەبانێ.

تاکە مەرجوو شکسوو فاشیزمی، ئامایدلێ مەیدانەکان و وەنەپەرسایوە فاشیزمییا. مدرامانوو شاروو وانی نموونێوی ڕۆشنا. سەرەوردای وانی کە دژوو دەسملەرەگێرتەی مافەکاو گەلیوە کریا، ئانە نیشانەدەروو ئانەیا، کە ئارۆ جولەمێرگنە پەنەوازا چێش بکریۆ."

هەبەدەهە واتش، کە فاشیزم بەردەوام دەس ملوو ئیرادەو گەلیرە مگێرۆ، ئارۆیچ گەرەکشا جولەمێرگنە هەمان شت بکەرۆ و واتش: "ڕۆشنا مشۆم چێش بکریۆ. گەلەکەما پەنەوازا گرد چێوێو بکەرۆ سەنگەروو مدرامانی. ڕۆ ڕۆو وەنەپەرسایوە فاشیزمین.

ئێمە داوا وەنەو جەنگاوەراو هەبەدەهەی مکەرمێ، سەروو ئی بنەمێوە چالاکییەکاو ونەپەرسایوە دژوو فاشیزمی سەرێعتەر بکەرانێوە."A