دژوو گېرتەی هامسەرۆکوو شارەوانی جولەمێرگی محەمەد سدیق ئاکیشی و نیایرەو قەیومی جە شارەوانییەکەنە، جە چن مەنتیقېوە جولەمێرگینە چالاکی ئەنجام مڎریۆ. جە ناوەندوو شارەکەینە سەرەڕاو تەوقەو پۆلیسی و سەروازا، گەنجەکۍ ڕاپیمایشا کەرد.

گەنجەکۍ درووشمەکا "بژیۋۆ مدرامانوو زیڼانیا" و "بژیۋۆ سەرۆک ئاپۆ" و "زیڼانیا سیاسی شکۆو ئېمەنۍ" و "جولەمێرگ مبۆ بە قەبرسانوو قەیومی" و "بە مدرامان سەرۍ گنمۍ" و "کوردسان مبۆ بە قەبرسانوو فاشیزمی"یشا بەرزۍ کەردېوە.

پۆلیس جە چن نوقتېوەنە هجوومشا کەرد سەرو گەنجا، جە وەرا ۋەروو ئانەینە گەنجەکۍ جە کۊڵانەکانە ۋەربەسېشا نیېرە و بە دارو تەوەنی جوابوو هجوومەکاشا داوە.

جە چن مەنتیقېوە شارەکەینە مدرامان بەردەواما.