زیندانییاو پەکەکەی و پاژکی: تا ورگێرتەی زانیاری دەربارەو ڕابەرێتی، چالاکییەکاما بەردەوامێنێ
زیندانییاو پەکەکەی و پاژکی زیندانوو قەیسەری بونیانینە ماچا: "تا ورگێرتەی زانیاریی دەربارەو ڕابەری، چالاکییەکاێما بەردەوامێنێ".
زیندانییاو پەکەکەی و پاژکی زیندانوو قەیسەرو بونیانینە ئەرەیاوناێوەشا وەڵا کەردۆ.
"وەڵێو گرد چڵێوەنە، سڵام وەنەو گرد لاێو مکەرمێ. سڵام وەنەو ئەدایا مکەرمێ کە بەرۆ بیێنێ بە دەنگوو ئێمە. چالاکییەکەما ٢٧ وو تشرینوو دووەمیوە بەردەەواما، دماو ٤ و نیسانی چالاکییەکەما لوا قۆناغێوی تازەوە. تا قبووڵکەردەی داواکاما ئی چالاکییە بەردەواما. ساڵانێوا زانیاریی دەربارەو ڕابەرێتیمان نییا، ئینە نائاساییا. گۆشەگیریی ئیمراڵی گردوو زیندانەکانە وەڵا بییەنۆ. پەیوەندیما بە بەریوە نەمەنەن. نامەکێما بە بەهانێ جیاوازێوە قۆرت موزیۆ وەردەمشا. گەرەکشانە گۆشەگیریی درێژخواین بۆ، گۆشەگیریی ئیمراڵی و زیندانەکێ، جیهانەنە وێنەشا نییەن. سیستموو ئیمراڵی هیچ یاگێوی جیهانینە هامشێوەش نییەن. گرد زیندانیێوی مافوو وێشا چەنی خێزان و پارێزنەرەکاش کۆبۆوە. بەڵام ڕابەر و هامڕێکێش بە سزاو دیسپلینی جە مافەکاشا بێبەشێ مکریانێ".
وەزارەتوو دادی وەرەچەماو گردوو جیهانیوە دروێ مکەرۆ و بێشەرمانە ماچۆ "گۆشەگیری نییا". ئی قسێ قبووڵکرێ نییەنێ. گرد ڕوێو نیگەرانێنمێ دەربارەو ڕەوشوو ڕابەری. پێویسا بنەیانە و گەلەکەما و پارێزنەرێ دیموکراتیکێ و گردوو چینەکا گلێرگەی ئی نادادی و گۆشەگیرییە سەروو ڕابەریوە قبووڵ نەکەرا. پێسەو زیندانییاو پەکەکەی و پاژکی تا ورگێرتەی زانیاری دەربارەو ڕابەری، چالاکییەکێما بەردەوامێنێ. پێویسا گەلی وەڵاتپارێزنما دەمودەس نەوەک هەر بە ئەرەیاونیای، بەڵکوم بە چالاکیی تازە و قەوەت دەنگما بیاونانێ گرد یاگێ و دەورو ڕابەرینە یۆی بگێرا و گۆشەگیری بماڕانێ".
