بە سەرمەشقایەتی کۆنگرەو ستاری شارو تل براکو کانتۆنو جزیرەی، ئارۆ بە سەدان جە ئەرەنیشتا تل براکی، ئەنداما ئەرەمەزیێ مەدەنیێ و سەروازییەکا بە ویست و ئازادی جەسەی ڕابەر ئاپۆی ڕاپیمێوە وەرفراوانشا ئەنجام دا.

جەماوەر جە بەرە و وەرنیشتی ئامێ ژوور شارەکەی ڕاپیماکەیشا دەسپنەکەرد، وێنەو ڕابەر ئاپۆیشا بەرزکەردۆ و درووشمەکێ "بێ سەرۆک ژیوای مەبۆنە" و "بژیوۆنە مڏرامان و ئیمراڵی"شا واتۆ.

ڕاپیماکەی جە فولکەو هێزەکا ئاسایشو دلینەی فاڕییا پەی گلێرۆبییەی و دەقێوە ڕێز ونە نییای جە گەشمەرڏا ڕاو  ڕزگاری. دماتەر ئەندامو کۆنگرەو ستاری تل براک زەهرا موتڵەق قسێش کەردێ و جەختش جە بەردەوامی ئەوەکۆشایشا کەردۆ تا مسۆگەرکەردە و ئازادی جەسەیی ڕابەر ئاپۆی.

زەهرا موتڵەقە پەیوەس بە پرۆسەکەی بانگەوازش ئۆ دۆڵەتو تورکی کەرد دان بە مافە بنەڕەتییەکا گەلوو کوردیرە بنیۆ. هەرپاسە بانگەوازش جە گلێرگە و مییاننەتەوەیی کەرد جە ئاسات و زینانی کەردەی ڕابەر ئاپۆینە دمای بە بێدەنگییەکا بارانە، هەرپاسە دمای بە سیستەمو قڕکەردەی بارۆنە و  فشار سەر و دۆڵەتو  تورکیای بکەرۆ تا ئانەی مافو هیواو ڕابەر ئاپۆی جابەجێ بکەرۆ.

چالاکییەکە بە سڵام کەردەی جە مڏرامان و ڕابەر ئاپۆی و شەرمەزارکەردە و سیستەمو ئەشکەنجەی و قڕکەردەی دمایش ئاما.