دژو هرووژم و ئەرەگیریەکا دۊڵەتو تورکی و چەتەکاش پەی سەرو بەنداوو تشرینی جە ٨و کانوونو دووەمیوە گەلوو سەرنیشت و ۋەرکۊتوو سووریای دەسشا بە ئێشکگیری کەرڎەن، ڕووانە جە سەرانسەرو سەرنیشت و ۋەرکۊتوو سووریایۆ گەل بەشداریی ئێشکگیری مکەرا.

سەرسەعبو ئارۊی خەڵکو هەریۆ جە شارەکا قامیشلۆ، تربەسپی، عامودە و تل حەمیسی جە کانتۆنو جزیرەی بە مەبەسو بەشداریی کەردەی جە ئێشکگیریی و پارێزنای و مڎرامانوو بەنداوو تیشرینی ڕووەشا کەرڎە بەنداوەکەی.

ژمارێوە جە هونەرمەڼا و ڕۆشنۋیرۍ، هەرپاسە بە دەیان ژەنۍ، جوانۍ و بەتەمەنۍ جە یاگۍ دیاریکریانە کوۍ بیێوە و چنی کارەوانەکەی جمێرە.